kipamentu ne’e HEINEKEN oferese nu’udar parte ida atu fó edukasaun sívika ba motorista sira.

Ekipamentu ne’ebé  oferese kompostu husi, kapasete 300, Lapizeira 100, kadernu 100, Kamizola 1000, laptop ida, kamera fotografia ida.

Ho apoiu sira ne’e, Komandante Tránzitu Nasionál, Inspetór Xefe António Soares  hato’o agradese ba HEINEKEN  nia apoiu hosi tulun sira nia servisu.

“Ita hatene kada tinan númeru asidente sempre ho volume ne’ebé sa’e, liu husi apoiu ida ne’e hodi kontribui ba tránzitu halo nia servisu,” dehan António ba jornalista iha Kuartél Jerál PNTL Kaikoli Dili, foin lalais ne’e.

Iha oportunidade ida ne’e seksaun tránzitu mós halo sosializasaun no edukasaun sívika ba estudante sira Eskola Sekundária no universitáriu atu nune’e estudante iha koñesimentu ba regra tránzitu nian.

António hatutan, dala barak estudante no foin sa’e sira bainhira utiliza motór ho karreta sira sempre la tuir regra tránzitu ne’ebé iha sempre hamosu asidente tráfiku.            Tanba ne’e, tránzitu liu husi meius hirak ne’ebé HEINEKEN fó apoiu bele motiva membru Tránzitu hala’o nia knaar ho di’ak liután.

Iha Fatin hanesan Jenerál Manager HEINEKEN, Vinay Mathur hatete, ekipamentu ne’ebé HEINEKEN ajuda ba tránzitu ne’e atu apoiu ba polisia tránzitu hodi hala’o nia servisu kada loron ho di’ak.

Vinay hatutan, ekipamentu sira ne’e hodi suporta tránzitu hodi hala’o monitorizasaun ba viaturas sira ne’ebé hala’o movimentu kada loron.