Banku sira ne’e rasik koopera ona ho Camara Comercio Indústria Timor -Leste (CCI-TL) no Governu Timor-Leste hodi fó formasaun ba setór privadu bele halo manajementu orsamentu.

Setór privadu sira ba tinan ne’e bele hetan ona kréditu, hafoin Governu no CCI-TL no banku sira halo diskusaun kle’an hodi fó kréditu ba setór privadu atu hetan osan loke indústria ki'ik no boot.

“Ha’u espera katak, banku sira sei fó kréditu ki'ikoan, maibé iha loron ida sira mak bolu fali ita ba kréditu ba sira, maibé se ita halo atividade di’ak,” informa Prezidente CCI-TL, Óscar Lima ba jornalista sira iha Tower Bar, horisehik.

Kreteriu kréditu ba setór maka sei hetan funan ki'ik no labele hamosu fali kréditu paradu.

Nia dehan, kritériu atu hetan kréditu ne’e banku maka sei fó ba setór privadu atu foti osan tuir sira nia kapasidade.

CCI-TL rasik koopera ho setór privadu sira atu rejista iha CCI-TL bele hetan rekomendasaun atu hetan kréditu.

Osan ne’ebé setór privadu sira uza sei loke indústria kbiit too boo hanesan, konstrusaun sivíl obras publika no loke investimentu seluk tan.

Entretantu antes ne’e, Governu mós transfere ona osan tokon $5 ba BNCTL atu fó kréditu.

Nune’e, banku 4 iha Timor-Leste deklara ona sei fó kréditu ba Timoroan sira.