Rui dehan, programa snack ninia gastus orsamentu boot tebes kada tinan, tanba ne’e bainhira sai PM, Rui deside hapara tiha programa snack ba ministeiru hotu- hotu.

“Ha’u preokupa bainhira ita la han snack, ne’e ita sakrifika ita nia atividade ka lae,tanba ne’e maka presiza halo analiza,” dehan PM Rui bainhira hala’o enkontru ho ofisais PNTL iha Kaikoli Dili,  Sesta (10/2)

Rui dehan, kada tinan governu barak gastus orsamentu barak liu ba snack bainhira reuniaun ou hala’o semináriu ida.

Nia dehan, gastus ne’ebé aloka orsamentu ne’e barak liu maka ba snack ne’e, tanba ne’e hapara tiha malisan aat snack bainhira hala’o reuniaun ida.

PM Rui haktuir, presiza iha analiza profundo ida ba kada instituisaun governu nian hodi haree ba kestaun ne’e, dala barak atividade uitoan, maibé osan gastus barak liu maka sanck ne’e.

Iha PNTL iha tinan ida orsamentu ne’ebé gastus ba snack ne’e mínimu rihun $100, bainhira osa ne’e aloka fali ba buat seluk nia rezultadu benefísiu ba instituisaun hotu.

Rui hatutan, presiza haree ba kestaun snack ida ne’e la iha benefísiu ba enkontru ruma, osan barak maka gastus.