“Ami séi halo kontratu ho ofisina sira hodi nune’e sira halo manutensaun ba transporte sira ne’ebé oras ne’e avaria hotu, hodi bele fo apoiu seguransa ba membru ne’ebé sei asegura eleisaun jerál, apoiu mos servisu komandante eskuadra sira,” Júlio Komisáriu PNTL Júlio Hornay ba Jornalista iha Tower Bár Fatuhada Dili, Tersa (14/2).
Ministériu Interiór maka séi loke tenderizasaun ba ofisina sira hodi halo manutensaun ba viatura operasaun PNTL nian.
Kona ba orsamentu ne’ebé aloka ba manutensaun kareta hirak ne’e, Komandu hamutuk ho Ministériu Interiór aloka hamutuk dolar rihun atus sia ($ 900.000).
