Abut kriminozu sira ne’e mai husi grupu arte marsiais Persaudaraan setia hati terate (PSHT) kmanek oan rai klaran (KORK) no ikatan kera sakt i(IKS) ne’ebé governu taka ona.
“sira ne’e mak sempre halo bebeik problemas iha nasaun ne’e uja rama ambong lori katana, samurai. Fiska, diman hodi aslata malu inklui inklui asalta komunidade seluk ne’ebe la hatene buat ida”.
Komandante Jeral PNTL, Komisariu Polisia Julio da Costa Hornai hateten ba jornalista sira iha edifisiu Komando Polisia Kaikoli katak ekipa kojunta ne’e ninia servisu tun para atu sobu baje kriminoju sira nian wainhira identifika.
Realidade kapurasaun ba suspeitu 31 iha kapital Dili ne’e atu hateten de’it katak laiha tan ona toleransia ba kriminosu sira atu halo sira nia movimentu. Suspeitu na’in 8 husi PSHT no nain 23 husi KORKA tama ona iha polisia ninia liman no agora iha ona sela detensaun inklui mós hasoru ona justisa.
Tan ne’e Komisariu Julio husu ba populasaun iha kapital Dili, atu tur hakmatek lalika halo grupu tun sa’e hodi asalta malu no ikus mai prejudika fali ema seluk. Nia hakareak joven sira atu hakas an estuda para iha futuru bele sai ema importante hodi lori nasaun Timor-Leste ne’e ba oin.
