Programa lansamentu uma lixu ne’e ho ninia objetivu atu eduka labarik estudante sira inklui komunidade bele aprende soe fo’er iha lixu hodi lori ambiente iha Viqueque sai sidade ne’ebé moos no livre hosi fo’er.

Uma lixu ne’e nu’udar sistema resiklajen agrikultura liu husi atividade transfere lixu ba tezouru bazeia modelu Vila Haga iha Japaun.

Lansamentu ne’e, hala’o hosi, Reprezentante JICA iha Timor-Leste, Toshiyasu Suzuki hamutuk ho autoridade munisípiu Viqueque.

Programa ne’e implementa hetan apoiu fundus hosi JICA ho montante 49.876.000,00 Yen Japones ($426,290) 

Toshiyasu dehan, JICA apresia tebes hodi hahú lansa programa ne’e para bele eduka estudante sira ho di’ak liután.

“Ha’u sente programa ne’e premeiraves iha nasaun Timor-Leste oinsá ita bele maneja ou halo jestaun di’ak no ha’u sente ne’e la’ós servisu ne’ebé fasil tanba primeiru ita hatene povu no komunidade nia koñesimentu ba jestaun lixu ne’e sei la’o ho di’ak iha futuru,” dehan Toshiyasu iha nia diskursu, Tersa (24/01). 

Xefe Departamentu limpeza Jerál Munisípiu Viqueque, Filomeno da Cruz sira sente orgullu molok implementa programa ne’e sira vizita mós ba Japaun hodi tuir formasaun durante loron 14.

Esperiénsia ne’ebé sira hetan sei fahe no implementa iha Timor-Leste atu bele tuir tuir kultura Japaun ne’ebé moris nu’udar sidade pás, dame no moos.

“Ami sai la’o fatin-fatin sira ne’ebé sai hanesan modelu lixu iha Japaun ne’ebé ita atu sai modelu lixu hanesan iha ema nia rai ne’ebá ami ba tuir no aprende iha ne'ebá,”dehan Filomeno ba jornalista.