Iha ninia vizita ne’e, Ministru Estanislau hatete, nia parte kordena ho Ministériu Turizmu atu finaliza politika no dezenvolve pakote ida ba area turizmu.

Iha politika ne’e, nia dehan, sira-nia parte sei tuun ba haree fatin ne’ebé potensial no buka oinsa atu kria kondisaun ne’ebé di’ak ba turista sira.

“Buat hotu sei la implementa hotu iha governasaun ida agora ne’e, tanba sei iha eleisaun maibé, sira hakarak halo buat hothotu par husik hela rekomendasaun ba governu foun no sira mós hatene ona servisu saida mak sira atu halo,”dehan Estanislau ba jornalista sira iha Miawai, Kuarta (25/01).

Pakote turizmu nian, Estanislau dehan, lig aba parte beleza natural no parte istoriku katak fatin sira ne’ebé uluk asuwain sira uza hodi subar.