Items filtered by date: Tersa, 26 Setembru 2023

DILI: IX Governu konstituisional forma ekipa interministerial ida hodi halo koodenasaun, hodi resolve problema bee moos, ne’ebé kontinua sai preokupasaun komunidade sira nian iha teritoriu Timor-Leste.

Vise-Primeiru Ministru, Ministru Koordenador Asunto Sosiais no Ministeriu Dezenvolvimetu Rural no Habitasaun Komunitaria (VMP, MKAS-MDRHK) Mariano “Asanami” Sabino hatete, durante tempu naruk ona Timor-Leste nafatin hasoru problema bee moos no komunidade barak mak seidauk asesu ba bee moos.

Tanba ne’e, IX Governu Konstituisional kria ekipa ida ne’ebé kompostu husi Ministériu Obras Públika, Ministériu Administrasaun Estatal (MAE), Ministériu Edukasaun (ME), Ministériu Agrikultura, Ministeriu Saúde, Ministeriu Dezenvolvimentu Rural no Habitasaun Komunitáriu, hodi buka solusaun ba problema bee moos.

“Ita hakarak iha koordenasaun diak, oinsá mak halo jestaun, ita halo konstrusaun hodi bele fornese bee ne’ebe kualidade di’ak ba inan-aman sira,” dehan Vise-Primeiru Ministru iha Edifisiu MOP Kaikoli, Tersa (26/09).

Vise-PM dehan, nudar Primeiru Ministru Interrino iha Konsellu Ministru deside ona katak tempu ona tenki iha koordenasaun ho instituisaun sira.

Iha fatin hanesan, Ministru Obras Públika Samuel Marçal hatete, hanesan politikamente MOP lidera ona Interministerial oinsa atu organiza hodi bele distribui bee ba komunidade sira ne’ebé seidauk asesu ba bee moos.

“Konfiansa ne’ebe fó, ami sei lidera oinsa bee ne’e ita bele re-organiza didi’ak bele to’o ba ema hotu-hotu, ita la’os la iha bee, ita iha bee barak maibé la organiza didi’ak , barak mak soe de’it, tan ne’e ema seluk la hetan bee,” dehan Ministru..

Governante ne’e haktuir, komunidade barak mos husik bee estragra de’it, tan ne’e MOP sei forma ekipa integradu ida hodi bele hare servisu hirak ne’e.

Entretantu, Ministru hatete, problema bee mos la’os MOP nian de’it maibé problema moos ho Ministeriu Administrasaun Estatal (MAE) no Ministeriu Jústisa (MJ) bele toma responsabilidade. Tanba Ko’alia kona ba rai no ambiente, bainhira ema tesi ai arbiru no sunu rai, ida ne’e afeita mós ba bee maran.

BOBONARO: Komunidade sira iha aldeia Ome-Lai, suku Molop, postu Administrativu Maliana, Munisipiu Bobonaro, preukupa ho folin fós ne’ebé kontinua sa’e.

DILI: Iha fulan rua nia laran, Agostus no Setembru, Hospital Nasional Guidu Veladares (HNGV) rejista kazu fase ran hamutuk 13.

DILI: Dadaun ne’e médiku espesialista fuan Timor-oan hamutuk na'in 9 mak halo hela servisu iha Hospital Nasionál Guido Veladares (HNGV) no Hospital referal sira iha munisipiu hodi fó tratamentu ba pasiente sira ne'ebé mak sofre problema fuan.

DILI: Ministériu Interior prepara ona rezolusaun kona-ba reativa polisia reformadu na’in 158. Rezolusaun ne’e sei aprezenta ba Konsellu Ministru hodi diskuti no deside.

DILI: Primeiru-Ministru Kay Rala Xanana Gusmão no Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay realiza enkontru ho setór privadu Xina ne’ebé hakarak loke investimentu iha Timor-Leste.