Tuir Mediku Espesialista Nefrolojia iha HNGV Gustavo da Cruz hatete, Fulan rua kazu foun ba pasiente fase ran iha HNGV hamutuk 13 kompostu husi fulan agostus pasiente hamutuk na'in 7 no fulan Setembru na'in 6.

“Entaun totál kazu agora hamutuk 112, husi númeru ne'e rejistu desde iha tinan 2012 ne'e mai to'o agora, ba pasiente sira ne'ebé mak ita halo ona programa ne'e balun semana ida ita fase dala rua no balun semana ida fase dala tolu," dehan nia iha HNGV, segunda (25/09).

Entaun husi semana ida fase dala rua ne'e sira halo iha segunda to'o kinta, depois tersa ho sexta no kuarta ho sabadu, no husi semana ida fase dala 3 hanesan segunda, kuarta ho Sexta no tersa, kinta ho Sabadu.

Sira iha odalidade   turma 4, kada modalidade totál pasiente hamutuk 28 iha segunda, kinta, depois tersa ho sexta hamutuk 26 no kuarta ho sabadu hamutuk pasiente fase ran hamutuk 28.

Aleinde ida ne'e, Iha semana ida dala tolu hanesan segunda, kuarta ho Sexta 11 kazu depois tersa, kinta ho Sabadu ne'e kazu hamutuk 3.

“Sira ne'ebé mak ita programa tiha ona ne'e feto hamutuk 58 no mane hamutuk 53, agora kazu sira akumuladu durante iha modalidade ne'e mak totál kazu hamutuk 112," dehan nia.

Depois iha kazu 112 ne'e iha pasiente ho  Infeksaun hamutuk na'in 9 no sira seluk pasiente normál, tanba ne'e fase ran semana rua no dala tolu ne'e ita fó prioridade defende ba pasiente nia kondisaun.

Nia informa, Operasaun makina ne'e hahu iha 6 oras no 7 oras hahú ona halo tratamentu ba pasiente sira, tanba iha turnu 4 ne'e sufisiente ba sira.

Husi ida ne'e, kazu tolu mak rezeita tiha tratamentu ne'e depois sira fila ba uma hodi halo tratamentu tradisionál, maibé too ikus sira deside fila fali mai iha Hospital hodi halo tratamentu.