Komunidade ida, Eugebio José Antonio Guteres hatete, preokupa ho folin foos 25 kg ne’ebé daudauk ne’e sa’e on aba $18.50.

Tuir nia, molok ne’e, foos kilograma 25 ho folin $14.00, maibé daudauk ne’e sa’e maka’as tebes.

"Antes ami sente di’ak tanba foos folin ladun sa'e, kada saka 25kg (ho folin) $14 no 30kg (ho folin) $17, maibé agora ne'e ami-nia kbi'it la to'o atu sosa," dehan nia ba jornalista sira iha Umelai, Segunda (25/09).

Folin foos ne’e, nia hatutan, fó impaktu ba komunidade sira, tanba laiha kbiit atu sosa.

"Se foos ne'e kontinua sa'e, ami povu aileba sira terus ba beibeik, tanba sosa labele, agora populasaun sira barak mak la kaer ona natar no toos, entaun sira dependensia ba importasaun husi rai liur," dehan nia.

Ba kestaun ne'e, negosiante ida, Mateus de Jesus dehan, sira fa’an foos bazeia ba folin ne’ebé sira sosa husi loza sira iha Maliana no Suai.

"Ami sosa foos ne'e iha Suai no Maliana, ami aluga karreta mai iha ne'e selu $200, ami faan fali ba komunidade sira $19,50 no $20,"  dehan nia.