Tuir komunikadu ne’ebé Online INDEPENDENTE sita, iha Pajina Gabinete Primeiru Ministru, haktuir, iha enkontru ne’e, Xefe Governu introdus programa tomak husi IX Governu Konstitisionál nian durante tinan liman nia laran sei fokus makas ba kontrusaun estadu no nasaun.
“Ha’u fó hatene ba setór privadu iha governu tinan lima nia mandate atu dezenvolve ekonomia no husu ba investe iha saida deit mak sira bele”, informa PM Xanana hafoin enkontru ho setór privadu Xina iha Otél, Soifitel sidade Hangzhou Provinsia Zheuhiang- Xina.
Timor-Leste presiza tebes investimentu estranjerus ne’ebé bele tulun dezenvolvimentu infraestrutura no ekonomia povu Timor-Leste.
Xefe Governu dehan, governu dasia iha kumprimisipiu boot dadaun ne’e halo reforma ba ninia lei investimentu no buka fasilita sistema ne’ebé seguru hodi fó fiar ba setór privadu estranejerus hosi Asosiasaun Nasoins Sudeste Aziátiku (ASEAN) no ASIA inklui Europa bele loke investimentu.
PM Xanana husu buat ne’ebé Timor-Leste presiza liu maka investimentu infraestrutura estrada, bee moos, portu, aeroportu, agrikultura, peskas, setór mina no gas nian liu-liu esplorasaun greater sanrise no seluk tan.
“Setór privadu sira ne’e sei ba Timor atu hare iha área saida deit mak sira bele halo, ita sei fó ajuda iha área oioin deit”, dehan PM.
Xefe Governu Xanana rekoñese Timor-Leste sei infrenta problema barak iha setór oin-oin no rekursu umanu, maibé povu no nasaun iha mehi boot atu hadia rai ne’e la’o ba oin ho apoiu setór privadu estranjerus sira nia investimentu.
“Ami presiza tebes investimentu atu hadia infraestrutura no dezenvolve ekonomia Timor-Leste”, dehan Xanana durante enkontru ho Emprezariu kuaze nain-20 iha Otel Sofitel.
Entretantu, durante enkontru, setór privadu jigante husi nasaun Xina, Macau, Singapura introdus mós sira nia profile kompaña nian ne’ebé intersante hakarak loke investimentu iha Timor-Leste tuir área hirak ne’ebé xefe governu aprezenta,
Enkontru ne’e akompaña akompaña direita husi Ministru Administrasaun Estatal, Tomás do Rosario Cabral, Ministru Planeamentu Investimentu Estrateziku, Gastão de Sousa, Ministru Juventude Desportu Arte no Kultura, Nelio Issac Sarmento no setór privadu reprezenta hosi Eis Prezidente Camara Comersiu Industria Timor-Leste (CCI-TL) nu’udar mós Diretór Kompaña Aero Dili, Lorenço de Oliveira, Embaixador Timor-Leste ba Xina, Abrão Santos no Adido Komersui Indistria Timor-Leste ba Xina, Benjamin “SAIMESAK”.
Enkontru ne’e termina ho PM Xanana entrega tasi no kafe Timor-Leste ba setór privadu sira.
