“Eleisaun ba lideransa suku iha tinan ida ne’e numeru feto aumenta no lisensiadu sira aumenta, tan ne’e husu ba jornalista sira husu ba jornalista sira atu halo kebertura iha suku sira ne’ebé dadaun ne’e kandidatura feto sira iha,” dehan nia iha Edifisiu SEI Kaikoli, Segunda (25/09).
Pezidente afirma, Jornalista konsentra iha sensivel ba jeneru, jornalista tenki tenta halo kobertura ba suku sira ne’ebé iha duni kandidatu feto, no labele konsentra deit ba kandidatu mane sira.
Tanba partisipasaun atu foti feto sai objetu, sai prioridade ba publikasaun, ne’e parte ida husi sensiabilizasaun, sensibiliza feto sira, atu nune’e bele hatene katak feto mos bele sai lideransa iha Suku ida.
Iha fatin hanesan, Sekretariu Estadu Igualdade Elvina Sousa Carvalho husu ba Jornalista no Jestor Radio Komunidade iha Munisipiu 13 inklui RAEOA tenki fasilita kandidatura feto sira ne’ebé atu eleitu sira nia an ba lideransa Suku bainhira hakarak fó sai sira nia programa no vizaun sira.
Nia dehan, papel media importante tebes ba iha ema ida nia atetude inklui hanesan mudansa ba mentalidade ema nian.
“Radio komunikasaun ka media iha forsa no papel importante atu halo mudansa ba iha mentaludade, tan ne’e iha fulan oin, ita sei hakat ba eleisaun suku, husu ba jornalista sira atu halo kobertura ho balansu lilu ba iha kandidatu hotu, tan ne’e kandidatu feto no mane tenki iha pursentu ne’ebé hanesan”.
