Razaun Eis Xefe Estadu lakohi simu tanba foti povu nia osan barak maibé la halo servisu ba povu no úniku ema ne’ebé kontra makas ejistensia lei pensaun mesal vitalisia.

Nia dehan, osan pensaun vitalisia ba Eis Xefe Estadu ne’e sei aloka ba fó bolsu estudu nia no la husik fila ba kofre estadu.

“Ha’u hanoin prezidente simu pensaun vitalisia boot entaun uluk ha’u labele atu halo funu manan uitoan de’it di’ak liu sai prezidente para manan liu imi sira ne’e nia”, dehan Taur bainhira liu husi Komísiu Polítika iha kampaña aberta Suai-Kovalima, Segunda (26/06).

Eis PR ne’e afirma, Kada fulan nia parte simu osan pensaun vitalisia 300 no tinan ida hamutuk rihun $3.6.

Lider PLP ne’e,dehan Partidu CNRT ho FRETILIN finje nonok  la koalia pensaun Vitalisia tanba sira hakarak iha uma, eskritoriu, simu osan no karreta inklui hetan seguransa.

“Bo’ot (ukun nain) sira iha Timor hela uma andar maka ha’u  ona maibé uza ninia kosar been rasik sira seluk ne’e tuur iha estadu nian”,dehan nia.

“Mari Alkatiri ho Lú-olo mos tuur iha uma estadu, maibé ha’u lori kosar been rasik”.

Tanba ne’e, nia husu ba populasaun sira atu hili PLP hodi bele hasai povu husi kiak no mukit nia laran.