“Kandidatu Ramos Horta hakarak fukit no hakarak sobu, kandidatu Francisco Guterres Lú Olo hakarak kuda no hakarak rega… Entaun ha'u husu ba ita-boot sira ba apoia ha'u-nia kandidatu maka Francisco Guterres Lú Olo," dehan nia, iha Kampu Futeboll Ainaru, Segunda (12/4).
Taur esplika, apoia kandidatu Lú Olo tanba durante ne’e koopera ho governu rezolve povu nia difikuldade sira, tanba ne’e povu sira tenke hili nia atu sai Prezidente Repúblika dala ida tan, tanba koopera ho Governu hodi planu programa sira atu hadia povu nia moris.
Ne’eduni, programa sira ne’ebé iha ona planu atu hakman povu sira nia terus no susar hanesan, planu subsídiu por mes ka gaji 13 kada uma kain sei hetan $ 200 iha tinan-tinan, sei apoia materiál blok, besi sementi, rai henek, kalen, hodi hadia povu nia uma ne’ebé uza hela piku no au, no mós sei troka kalen uma sira ne’ebé ho kalen antigu ho freujin sira ne’e.
Nune'e, oferese bolsu da mae ba estaudante sira ho mellora di'ak sira iha pre-sekundáriu, Sekundária no mós ensinu Superior sira, bainhira estudante ensinu Superior sira ho valor di'ak governu sei oferese servisu ba sira hanesan funsionáriu.
Tantu mós governu kontinua tau orsamentu hodi sosa povu nia produtu sira, hodi itensivu sexta bázika atu fahe fali ba povu sira, depois inan isin rua sei hetan osan kada fulan sei hetan $15, depois bebe hus tinan ida to'o tinan ne’e hetan osan $20 kada fulan ne'ebé programa barak mak sei iha tan planu.
Tanba ne’e, husu ba povu Aianro no povu tomak atu vota ba kandidatu númeru 2 Lú Olo, se imi vota sala mak porlema boot ida iha nasaun ne’e, tanba kandidatu númeru 1 Ramos Horta iha nia komprimisiu ne’e bainhira eleitu sei disolve governu, entaun nasaun ne’e nafatin iha krize nia laran.
Entertantu votus ne’e nu'udar vida ida bainhira atu husik imi nia votu ba ema ida-id'ak mak rekordasaun ida ba hot-hotu, se imi mak obriga imi nia an no la hatene hili mak iha loron ida hotu-hotu tutur liman ho arepende tanba ne’e mak iha vida tomak antes hasai desizaun hili ida atende ema hotu nia vida ba moris di'ak sira ne’e.
Iha fatin hanesan Konselleiru Másimu Partidu KHUNTO, José Naimori Bucar hatete programa sira ne’ebé Xefe VIII Governu hato’o iha kampaña durante ne’e katak programa barak mak fó benefisiu ba povu nia moris di'ak sei kore povu husi kiak no mukit.
Tanba ne’e Ainaro oan sira hotu-hotu mai hamutuk vota ba avo Lú Olo, hanesan vota ba imi nia moris di'ak, bainhira avo Lú Olo manan hanesan hatudu plataforma ida ne’e nafatin ka'er nonu governu iha 2023.
Bainhira imi vota ba Ramos Horta mak sira nia promesa sira ne’e labele realiza tanba governu ida ne’e sei ka'er husi partidu tolu, FRETILIN, PLP, no KHUNTO ne’ebé hanoin didi'ak mak fó imi nia votus ba kandidatura númeru 1 Ramos Horta.
Nia haktuir, fiar kandidatura númeru 2 Lú Olo sei manan iha segundu ronde ida ne’e, hetan apoiasaun maka'as husi partidu no organizasaun sira hanesan, FRETILIN, PLP, KHUNTO, Os Verdes, FDD, Aileba, UNIJMA, no mós organizasaun arte marsiais no rituais sira.
Nune'e komisiu kampaña kandidatu númeru 2 Francisco Guterres Lú Olo ne'ebé lidera husi Prezidente Partidu Libertasaun Populár (PLP), Taur Matan Ruak ba dala 11 iha Munisípiu Ainaro partisipa másimu husi militante no simpazitante husi partidu FRETILIN tantu mós KHUNTO, no partisipa másimu mós husi Polísia Nasionál Timor Leste (PNTL), ho Komisaun Nasionál Eleisaun, Sekretáriadu Téknika Administrasaun Eleisaun ( STAE).
