“Ami sei la taka dalan ba jornalista atu kobertura iha prosesu eleisoens maibe instituisaun tenke hatama rekeremento atu bele hetan akreditasaun tekniku hodi produs kartaun ofisial ba jornalista ne’ebé hakarak atu halo observasaun ba prosesu tomak iha eleisaun jeral,” Dehan Diretor STAE Acilino Manuel Branco iha kna’ar fatin,Sesta (10/02).
STAE fó prazu loron 7 antes eleisaun rekerimento husi instituisaun media sira tenke hatama hotu ona atu bele fasilita akreditasaun hodi produs identidade no briefing ba papel media atu halo kobertura iha prosesu eleisaun.
“Ami la iha limitasaun ba jornalista atu halo koobertura tanba ita nia rain ne’e eziste kedas sentru votasaun hamutuk 693,”Dehan nia.
Nia informa,instituisaun media sira tenke hatama lalais rekeimentu atu bele organiza hodi jornalista ida halo kobertura iha fatin ida iha direitu mos atu vota iha ne’eba.
“Ami mos sei adjusta ho prosedimentupara hanesan jornalista maibé hanesan sidadaun la bele lakon ba direito atu vota,”dehan nia.
