Bainhira membru ida husi instituisaun PNTL maka envolve iha atividade rua ne’e maka sei la iha toleránsia tanba PNTL tenke hala'o knar ho professional.

“La iha  toleránsia ba membru PNTL ne’ebé partisipa iha atividade partidu politika no partisipa mós atividae arte marsiais,” dehan PM Rui  Iha Kuartel Geral PNTL Kaikoli Dili, Sesta (10/2).

Membru PNTL ne’ebé hakarak atu involve iha partidu polítiku no envolve iha atividade arte marsial maka nia tenke sai ba fali vida sivíl.

Nu'udár instituisaun, garante orden estadu nian, tenke hatudu ezemplu di'ak ba povu tomak iha paíz ida ne’e tuir lei ho orden ne’ebe iha.

Rui husu ba  Komandu PNTL atu hatun ordem ba komadante munisípiu tomak atu kontola membru se deit maka involve kualker atividade partidaria no Arte marsial tenki investiga hodi hasai husi instituisaun PNTL.