Rezultadu Provizoriu Horta Manan iha Australia

Novembru 05, 2024

Politika

Rezultadu Provizoriu Horta Manan iha Australia

By Agustino Gama Abril 19, 2022 1020

Rezulta kontajen iha Australia. Foto: Lusa.

DILI: Rezultadu kontajen votu eleisaun ronde daruak nian, iha Australia, kompostu sentru votasaun husi Darwin, Melbourne no Sydney hatudu, provizoriu Kandidatu Prezidente Republika numeru sorteiu ida (1), José Ramos Horta manan ho total votu hamutuk 184.

Enkuantu, Kandidatu Prezidente Republika numeru rua (2), Francisco Guterres Lú Olo, hetan votu ho total hamutuk 130.

Enkuantu, tuir dadus, total Eleitór Timoroan iha Austrália ne’ebé ezerse sira nia direitu síviku hodi ba vota ne’e hamutuk ema na’in 314.

Rezultadu Provizoriu ne'e Online INDEPENDENTE Asesu husi Agéncia de Noticias de Portugál LUSA, katak persentajen votu provizóriu husi Austrália hatudu kandidatu José Ramos Horta hetan pursentu 56,60 (56,60%) no Francisco Guterres Lú Olo hetan persentajen votu hamutuk pursentu 41,40 (41,40%).

Entretantu, molok ne’e, iha eleisaun prezidensiál primeira volta, Kandidatu Prezidente Repúblika José Manuel Ramos Horta hetan votu husi Austrália hamutuk 160 no Francisco Guterres Lú Olo hetan votu 99.

Rate this item

(0 votes)