Provizoriu, Horta Lidera Fali iha Lautem

By Ekipa INDEPENDENTE Abril 19, 2022 956

LAUTEM: Duni malu votus entre kandidatu Prezidente Repúblika númeru 1, José Ramos Horta, ho kandidatu PR númeru 2, Francisco Guterres Lú Olo, namanas hela iha munisipiu Lautem. Hafoin Lú Olo lidera iha oras balun nia laran, daudauk ne’e Horta mak lidera fila fali.

Tuir rezultadu kontajen votus iha munisipiu Lautem, to’o iha tuku 18.26, kandidatu PR númeru 1, Horta, lidera iha munisipiu Lautem ho votus 13.985 ka 29.13%.

Enkuantu kandidatu númeru 2, Francisco Guterres Lú Olo, konsege hetan votus 13.824 ka 28.79%.

Rezultadu ida ne’e kandidatu na’in rua hetan husi votus validu 27.809 husi total votantes 28.236 ne’ebé vota iha munisipiu Lautem.

Rezultadu kontajen ida ne’e bazeia ba rezultadu kontajen husi Sentru Votasaun 70 . Enkuantu hela Sentru Votasaun 10 mak sei halo hela prosesu kontajen votus.

Entretantu, rezultadu ofisial husi prosesu kontajen votus sei anunsia husi Sekretariadu Tekniku Administrasaun Eleitoral.

Molok ne’e, iha inisiu prosesu kontajen votus iha munisipiu Lautem, Lú Olo lidera ho votus 8.407 ka 16.30% no Horta ho votus 7.402 ka 15.42%.

Rate this item
(0 votes)
Last modified on Tersa, 19 Abril 2022 20:42

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31