Enkuantu, rezultadu provizoriu Kandidatu númeru sorteu rua (2) Francisco Guterres Lú Olo ho totál votu menus ho valor hamutuk 155.
Aleinde, iha rezultadu kontajen ne’e, totál votu branku iha haat (4) no votu nulu iha ida (1).
Tuir Observasaun Online INDEPENDENTE iha terenu nota katak, livru simu husi STAE hamutuk 26 kabesas, 1306 foilas, total populasaun observador, fiskais no media ne'ebé mak vota hamutuk 743, total feto ne'ebé vota 358 mane 385. Buletin ne'ebé uza mak 743, buletin ida ne'ebé la uza 563.
"Ha'u nia populasaun ne'e total agora dadauk ha'u hetan informasaun husi Prezidente Meza Sekretariu Tekniku Administrasaun Eleitoral (STAE) total 1527 pessoas, mais ha'u la hatene ida ne'e, tanba tuir ha'u nia hatene ne'e balun mós ba ona iha rai liur ka estranjeiru parese sira vota iha ne’ebá," dehan Xefe Suku Bidau Lesidere Luis Pereira, hafoin ezerse direitu votu iha nia Sede Suku Bidau, tersa ne’e (19/04).
Nia dehan, atu hatene lista ne'ebé vota ne'e, hafoin kontajen mak hatudu dadauk ne'e, iha fulan kotuk ronde dahuluk iha ne'e komunidade barak mak la tuir vota.
"La'os dehan katak sira la tuir mais hanesan ha'u dehan katak barak mak iha Rai liur, tuir loloos ne'e lista ne'ebé mai hisi CNE no STAE iha ronde dahuluk ne'e tuir loloos sira alista ona ne'e entrega ida ba ami para ami bele hatene ida ne'ebé mak tuir vota no ida ne'ebé mak la tuir," dehan nia.
Nia afirma, maibé iha fulan kotuk ba sira la entrega livru ne'e mai suku, mais xefe suku so simu relatoriu husi prezidente meza kuaze 1200 ital mak la tuir.
"Mai iha segunda volta ne'e ha'u garate sira tu'ir hotu, hanesan ha'u hatete dadauk problema ha'u dehan ne'e livru ka lista ne'ebé mai husi CNE ho STAE ne'e hafoin sira alista tiha ne'ebé mak tuir ne'e loloos sira entrega ida ba ami para ami bele haree ida la tuir ne'e ida iha Timor mak la vota ka sira ne'ebé iha liur mak la tuir, ne'e mak ha'u hatete sira dehan la tuir ne'e la'os sira la tuir Lae maibe Balu tuir iha rai liur," dehan Xefe Suku.
Entretantu, iha Suku Bidau Lesidere iha Aldeia rua kompostu husi, Aldeia Lesidere no Aldeia Papela.
Total populasaun hahu husi tinan zero to'o terseira idade hamutuk 1.424, inklui xefe familia 171.
