Horta Manan iha Suku Com ho Votu 857

By Ekipa INDEPENDENTE Abril 19, 2022 1051
kandidatu Prezidente Republika númeru 1, José Ramos Horta, ezerse nia direitu votu iha eleisaun dahuluk nian. Foto:INDEPENDENTE. kandidatu Prezidente Republika númeru 1, José Ramos Horta, ezerse nia direitu votu iha eleisaun dahuluk nian. Foto:INDEPENDENTE.

DILI: Prosesu kontajen votus ba eleisaun ronde daruak iha Suku Com, Postu Administrativu Lautem, munisipiu Lautem, provizoriamente kandidatu Prezidente Republika númeru 1, José Ramos Horta mak manan iha suku refere ho votu 857.

Enkuantu, rezultadu kontajen ba kandidatu Prezidente Republika númeru 2, Fransisco Guterres Lu Olo ho votus hamutuk 684.
Rejultadu provizoriu ne’e, rekolla husi sentru votasaun iha aldeia tolu, Vailovaia, Muapuso no Lohomatu, Horta ho total votu hamutuk 298 no kandidatu Lú Olo ho votus hamutuk 361.
Aleinde, sentru votasaun iha aldeia tolu, Pitileti, Etepite no Ira-Onu, Horta hetan votu 559 no Lú Olo hetan votu hamutuk 323.
Entretantu, iha Suku Com total Aldeia hamutuk neen, kompostu husi Aldeia Vailovaia, Muapuso, Lohomato, Pitileti, Etepite no Ira-Onu.
Ho total eleitór hamutuk na’in 2021.

Rate this item
(1 Vote)

Independente Digital TV