Objektivu husi treinamentu ne’e atu kapasita no hasa’e koñesimentu membru estrutura OMD husi munisípiu no nasionál kona ba partisipasaun feto iha vida polítika hodi bele envolve aan iha dezenvolvimentu nasionál.

“Hanesan feto Demokrátiku ami prontu ona atu ba hasoru eleisaun oin mai. Tanba liu husi atividade formasaun  ne’e bele fo oportunidade mai ami atu bele dezenvolve aan hodi hatutan polítika Partidu Demokrátiku iha futuru”, dehan Prezidente Prezidente OMD Elvina Sousa Carvalho iha hotel Vila verde horisehik.

Atividade formasaun ne’ebé organiza husi organizasaun feto demokratiku ne’ebé hamahan aan iha Partidu Demokrátiku  nudar parte ida husi programa anuál.

Aktiividade ne’e sai hanesan tarjetu no sai hanesan programa prioridade hodi halo formasaun ba estrutura OMD atu prepara ba eleisaun karik Partidu Demokrátiku manan iha eleisaun,  OMD moos preparadu no prontu ona atu envolve aan iha governasaun.

Iha fatin hanesan Prezidente Partidu Demokrátiku Adriano do Nascimento dehan, formasaun ne’e hanesan programa partidu nian ne’ebé iha periode ne’e partidu foka liu ba formasaun lideransa atu nune’e lideransa partidu bele preparadu liu tan hodi bele kontribui ba dezenvolvimentu nasionál.

Atividade ne’e feto lider Partidu Demokrátiku husi munisípiu 13, sira mai iha nee tanba  iha kooperasaun ho Internasional Republican Institut IRI para fo kapasitasaun lideransa ne’ebe sira  fasilita konaba prinsipiu lideransa feto nia partisipasaun iha vida politika, jestaun no lideransa.

Adriano espera katak, ho matéria ne’ebé IRI prepara bele hakbiit sira nia kapasidade lider Partidu Demokrátiku iha minisipiu, nune’e moos prepara lider feto sira iha eleisaun oin mai sira bele envolve aan iha governu, Parlamentu no naun governamentál sira bainhira povu foo fiar ba PD atu kaer governu.