Lu Ólo: Lakon ka Manan ho Dignidade

By Gregorio da Costa Abril 19, 2022 493
Kandidatu Presidente Repúblika ho númeru sorteiu 2, Francisco Guteres Lu Ólo, akompaña husi Primeira Dama ho Sekretariu Jerál FRETILIN, Mari Alkatiri, ezerse ona sira nia direitu votu, iha EBF Farol Dili, tersa (19/4). Foto: Grigorio/INDEPENDENTE. Kandidatu Presidente Repúblika ho númeru sorteiu 2, Francisco Guteres Lu Ólo, akompaña husi Primeira Dama ho Sekretariu Jerál FRETILIN, Mari Alkatiri, ezerse ona sira nia direitu votu, iha EBF Farol Dili, tersa (19/4). Foto: Grigorio/INDEPENDENTE.

DILI:Kandidatu Presidente Repúblika ho númeru sorteiu 2, Francisco Guteres Lu Ólo, akompaña husi Primeira Dama ho Sekretariu Jerál FRETILIN, Mari Alkatiri, ezerse ona sira nia direitu votu iha segundu ronde ba Prezidente Repúblika periodu 2022-2027.

"Nasaun Timor-Leste hanesan nasaun demokrasia tanba ne'e ba eleisaun presidensial segundu periode ida ne'e ha’u vota ho dignidade, manan ka lakon husik rejultadu mak sei determina,"dehan kandidatu Lu Ólo, hafoin ezerse nia direitu votu daruak, iha EBF Farol Dili, tersa (19/4).
Hanesan kandidatu ba Prezidente Repúblika, hanesan sidadaun ida hakarak ka lakohi sempre kontribui no ezerse tanba nasaun nia destinu depende ba sidadaun ida nia votus.
"Bainhira povu Timor-Leste eleitu ha’u sai PR dala ida tan ba tinan lima, ha’u kumpri ha’u nia komprimisiu tomak hodi bele koopera ho orgaun soberania sira seluk para atu bele garante paz estabilidade no halo dezenvolvimentu ba nasaun ne'e durante tinan lima mai,"dehan nia.
Nia afirma katak, karik eleitu ba Presidente periodu 2022-2027, ho esforsu tomak ba komprimisiu hotu-hotu ne'ebé nia hateten ona ba povu sei halo atu nunee nasaun ida ne'e bele lao ba oin.
Iha fatin hanesan, Sekretariu Jerál FRETILIN, Mari Alkatiri garante katak kandidatu Lu Ólo sei manan iha eleisaun segundu periodu.
"Ha’u fiar katak FRETILIN (Lu Ólo) sei manan masimu iha teritoriu tomak,"dehan nia.
Enkuantu, tuir observasaun Online INDEPENDENTE asesu iha fatin votasaun EBF Farol katak, fasilidade husi STAE ba estasaun votus sira prepara ba estasaun lima no ema ne'ebé ba vota lao ho di’ak no seguru.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31