Horta Prontu Simu Rezultadu no iha Konfiansa Sei Manan

By Agustino Gama Abril 19, 2022 533
Kandidatu Prezidente Republika numeru ida (1), José Ramos Horta, ezerse ona nia direitu votu, iha sentru votasaun sede suku Metiaut, Dili, tersa (19/04). Foto:Agostino/INDEPENDENTE. Kandidatu Prezidente Republika numeru ida (1), José Ramos Horta, ezerse ona nia direitu votu, iha sentru votasaun sede suku Metiaut, Dili, tersa (19/04). Foto:Agostino/INDEPENDENTE.

DILI: Hafoin ezerse ninia direitu votu, Kandidatu Prezidente Republika numeru ida (1), José Ramos Horta hatete, nia pronto simu rezultadu votasaun, maibé nia iha konfiansa katak, sei manan iha eleisaun segundu ronde ne’e.

Tuir observasaun husi Online INDEPENDENTE nota katak, Kandidatu José Ramos Horta vota iha tuku 7:00 otl, iha Sede Suku Metiaut, Postu Administrativu Cristu Rei.

"Iha demokrasia, eleisaun ita bele hateten ha'u iha konfiansa no garante atu manan, maibé iha demokrasia dalaruma bele iha rezultadu misterius, hanesan kandidatu prezidente kalma para simu rezultadu ne’ebé mai,”dehan nia iha ba jornalista sira iha sentru votasaun, Sede Suku Metiaut, Dili, tersa ne’e (19/04).

Tanba ne’e, Horta dehan, bainhira eleitu nuudar Xefe Estadu sei hala’o nia knar ho responsavel.

Ho nune’e, iha oportunidade ne’e, Horta apresia no louva ba ativista, voluntariu no mós partidu politiku sira ne’ebé ho vontade tama sai aldeia no suku hodi halo door to door ba komunidade sira.

"Depois tur koalia ho Maun boot xanana nu'udar lider nasional no membru seluk husi CNRT no partidu seluk ne'ebé fó apoiu ha'u ne'e, no bainhira ha'u eleitu sai Prezidente Republika ha'u sei tur koalia ho partidu seluk ne'ebé iha asentu Parlamentu Nasional, inklui partidu Fretelin, atu halo dialogu hodi tau prioriedade ba povu nia moris," Horta Promete.

Tuir Horta, programa prioridade ne’ebé bainhira nia eleitu nuudar Xefe Estadu mak, sei hatur los fila lei konstituisional no mós tau prioridade ba ekonomia rai laran.

Entretantu, Kandidatu Prezidente Republika na'in rua ne'ebé avansa ba iha ronde daruak Eleisaun Prezidensial mak hanesan, José Ramos Horta no Franisco Guterres Lú Olo.

Rate this item
(0 votes)
Last modified on Tersa, 19 Abril 2022 11:43

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31