Arsebispo: Presidente Nudar Aman Tenke Hakuak Oan Hotu

By Mariano Mendonca Abril 19, 2022 449
Arsebispo Metropolitano Arqui Dioseze Dili, Dom Virgilio do Carmo da Silva, ezerse ona nia direitu votu, iha sentru votasaun Suku Bidau Lesidere, tersa (19/04). Foto: Mariano/INDEPENDENTE. Arsebispo Metropolitano Arqui Dioseze Dili, Dom Virgilio do Carmo da Silva, ezerse ona nia direitu votu, iha sentru votasaun Suku Bidau Lesidere, tersa (19/04). Foto: Mariano/INDEPENDENTE.

DILI: Arsebispo Metropolitano Arqui Dioseze Dili, Dom Virgilio do Carmo da Silva, husu ba kandidatu ne'ebé eleitu ba Prezidente Repúblika hanesan aman ba nasaun tenke hatene hakuak oan sira hotu.

"Hanesan ha'u dehan fila-fali tiha ona katak se de'it maka povu sei fo fi'ar atu sai prezidente ha'u hanoin Primeiru Prezidente katak aman ba nasaun ne'e dehan hakuak oan hotu-hotu, la husik hela oan ida iha liur, labele dehan haree ba ha'u nia grupu ida ne'e, grupu ida neeba, maibé haree ema hotu hanesan," dehan nia hafoin ezerse nia direitu iha sentru votasaun Suku Bidau Lesidere, tersa (19/04).
Tuir Dom Virgilio dehan, bainhira sai ona Aman ba nasaun laiha ona grupu, maibé haree ema hotu hanesan tanba ema hotu fo oan fi'ar maioria, povu no populasaun fo ona fi'ar atu sai Aman ba rai ida ne'e tenke ezerse ninia kbiit hatene hakuak.
Segundu, Prezidente Repúblika ida tenki garante Konstituisaun, la’os hakuak oan de'it maibé mós fo lisaun di’ak ba jerasaun foun sira atu disiplina lao tuir dalan lo'os.
"Katak Ida ne'e mak sasukat atu bele garante katak rai ne'e lo'os liu mak ita nia konstituisaun, katak aman ne'e hadomi, maibe mós aman tenke firme kaer metin konstrusaun mak sai sasukat ba Ema hotu-hotu hodi lori rai ida ne'e iha paz no prosperiedade no hadomi demokrasia ne'e to'o rohan," tenik nia.
Nia mós hamenu ba Presidente foun atu habesik an ba povu hodi hatene povu nia aspirasaun nune'e hodi bele ajuda ne'e mak sentidu katak hadomi ema hotu importante.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31