Eleitór iha Sentru Paralelu Ladun Másimu

By Januário Assunção Abril 19, 2022 550
Sentru Paralelu STM Bekora. Foto: Januário/INDEPENDENTE. Sentru Paralelu STM Bekora. Foto: Januário/INDEPENDENTE.

DILI:Eleitór paralelu sira iha sentru votasaun Eskola Téknika Vokalisionál (STM) Bekora, sentru votasaun paralelu Ginaziu munisipal Dili (GMT), no sentru votasaun paralelu Institutu Nasional Administrasaun Publika (INAP), ladun maximu tanba eleitór sira kompriende ona no ida-idak ba vota iha Munisipiu.

Tuir observasaun jornalista INPENDEPENDENTE asesu iha terrenu nota katak hahú tuku 7:00 dadersan urnas loke maibé kuaze oras tolu nia laran eleitór sira la ba ezerse direitu ba votu.
Brigadista STAE, Domingas Soares hatete,eleitór sira ladun partisipa másimu iha sentru paralelu refere tanba kompara ho ronde dahuluk ema barak mak la komprende atu rejista.
"Sira (eleitores) mai ladun barak hahú tuku 7 ami loke urna ona ate agora mais foin 300 resin mak vota kompara ho primeira volta ema barak mais naran lista laiha,"dehan nia ba jornalista INDEPENDENTE, iha STM Bekora, tersa ohin (19/3).
Eleitór sira ne'ebé molok naran iha lista maioria fila ona mai Dili hodi vota iha sentru refere.
Nia dehan, totál eleitór ne'ebé iha ponta Leste hanesan Baukau,Vikeke no Lautem hamutuk 1461 maibé foin 300 resin mak vota.
Entertantu iha Sentru Paralelu SMT bekora situasaun lao normál tanba hetan partisipasaun másimu husi STAE,CNE, Observadór internasionál no mós seguransa másimu husi PNTL.
Iha fatin seluk, tuir observasaun jornalista INDEPENDENTE iha sentru votasaun paralelu Ginaziu munisipal Dili (GMT) mós diferensa tebes ho eleisaun ronde dahuluk nian.
Iha sentru refere eleitór sira ladun barak, no iha ronde dahuluk nian ema barak mai maibé naran laiha lista sentru votasaun.
Prezidente Sentru Votasaun Paralelu GMT, Elias de Deus hatete, iha primeira volta eleitór barak mak naran laiha lista tanba la hatene, maibé sira mai.
"Relasiona ho ida ne'e foin dadaun CNE ho STAE fo sai ona informasaun katak ita nia eleitór sira ne'ebé husi munisipiu maibé la rejistu iha sentru paralelu mak sira sei fasilita transporte hodi ba vota iha sira nia munisipiu, ho ida ne'e mak agora dadaun ita hare'e iha sentru votasaun refere la Hanesan ona ho ida ronde daruak nian, espera katak to'o lokraik ita hotu bele vota ho normal la akontese tan hanesan ida uluk,"dehan nia iha sentru votasaun paralelu GMT, tersa (19/04).
Nia informa, total eleitór ne'ebé rejistu iha sentru votasaun paralelu GMT ne’e mantein ho eleisaun dahuluk hamutuk 671, husi númeru ne'e kompostu husi munisipiu 4, hanesan Likisa, Aileu, Manatutu, Ermera ho Atauru.
Ofisial eleitoral 20, prezidente sentru votasaun 1, fiskais kandidatu númeru 1 na’in 8 no númeru 2 na’in 8.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31