Lu-Olo hateten, karta ida haruka ba Palasiu Prezidensial, Gabinete Prezidente da Republika Taur Matan Ruak hodi bele hasoru ekipa husi Francisco Guterres Lu-Olo.
Ekipa sira prepara hotu ona hein deit haruka sira ba hamutuk ho ekipa atual Prezidente Taur Matan Ruak.
“Ekipa prepara dadauk ona, karta ida ami haruka ona ba Prezidente da Republika Taur Matan Ruak hodi bele hasoru ekipa ida ne’e atu bele halo prosesu transizaun de testamuña ba Gabinete Prezidente da Republika mai hau nia Gabinete ne’ebe sei assume kargu hamutuk ho hau depois de tomada de posse,” dehan Francisco ba Jornalista sira hafoin remata misa agradesimentu iha Igreja Katedral Villa Verde-Dili, Sabadu (01/04).
Ekipa nee hakarak ba hasoru malu ho Prezidente da Republika Taur atu bele hatene kona ba serbisu saida mak hala’o tiha ona no saida mak sei husik hela no la’o oinsa.
