"Ha'u sente onradu tebes no agradese eleitor ida-idak ne'ebé fó fiar nafatin ba ha'u atu sai dala ida tan Prezidente Repúblika," dehan nia, iha Luz Claritas, Bairru Formoza, horisehik.
Nia dehan, ekipa susesu konfiansa ne'e mak kandidatu simu uluk liuhusi maluk sira liu rihun 125, ne'ebé asina petisaun no husu ba kandidatu atu kandidata-aan dala ida tan ba Prezidente Repúblika.
Nune'e, konfiansa ne'e mai husi veteranu, jerasaun patriota, husi katuas-ferik to'o juventude loriku asuwain tomak, mai husi natar na'in no to'os nain sira, produtór kafé, traballadór iha setór públiku no privadu, estudante sira, intelektuál no akadėmiku sira, husi munisipiu hotu-hotu no RAEOA.
Entretantu, Lú Olo agradese apoiu tomak no inkondisionál husi partidu FRETILIN ne'ebé mobiliza ninia rekursu umanu no lojistiku hodi apoia ninia kampaña tomak.
Nune'e, agradase ba apoiu husi kandidatu Partidu Os Verdes de Timor, kuadru partidu PLP no PUDD ne’ebé organizasaun Kolimau 2000, organizasaun hotu-hotu no sidadania no sidadaun ida-idak ba nia kandidatura daruak.
"Konfiansa no apoiu sira ne'e hotu mak habrane ha'u tebes iha kampaña hodi husu ba povu vota ba ha'u sai Prezidente Repúblika ba Timor-Leste no ba povu tomak," hatete ekipa susesu.
Alende ne'e, kandidatu Prezidente Repúblika, Francisco Guterres Lú Olo, iha tempu kampaña hahú husi 2 Marsu to'o 16 Marsu 2022, iha apoiante ruma ofende ema iha kampaíña karaik husu deskulpa.
"Nu'udar kandidatu ba Prezidente Repúblika, ha'u husu deskulpa karik ha'u ka ha'u-nia apoiante ruma ofende ema ruma iha kampaña hala'o husi 2 to'o 16 Marsu 2022," haktuir nia.
Nune'e, iha votasaun 19 Marsu 2022, la'o ho hakmatek, livre, demokrátiku no ho orden, ne'e hatudu povu hakarak tebes moris iha ambiente pás, trankilidade no estabilidade.
"Ambiente ida ne'e mak ha'u sempre promove no tane iha ha'u nia mandatu nu'udar Prezidente Repúblika," tenik nia.
Nune'e, Lú Olo saúda kandidatu hotu-hotu ne'ebé esforsa-aan atu kampaña eleitorál la'o iha ambiente hakmatek to'o loron votasaun iha loron 19 Marsu.
"Obrigadu barak ba esforsu tomak husi Tribunal Rekursu ba prosesu verifikasaun kandidatura, husi órgauns eleitoral STAE no CNE, no mós husi ema hotu ne'ebé partisipa iha prosesu eleitorál hanesan fiskais no observador internasional. Agradese mós ba PNTL ne'ebé mantein ordem di’ak iha teritóriu tomak," tenik nia.
Lú Olo fiar sei tama iha segunda kampaña ho ambiente hanesan kampaña daruak, tanba ne'e mak vontade povu Timor-Leste nian no ida-idak tenke haksolok.
