Prezidente Komisaun Nasionál Eleisaun, José Agostinho Belo hatete, CNE bolu ekipa susesu kandidatu prezidente republika 16 hodi ka’oli prosesu eleisaun ne’ebé liu ona no prosesu apuramentu nasionál ne’ebé sei kontinua la’o hela.
“Tuir tempu legal ba CNE, oras 72… maibé haree ba realidade servisu no tempu. Tanba ne’e, ohin kedas ami sei komunika no pedidu ba iha duni poder para deside oinsá prolonga tan tempu balun atu bele finaliza apuramentu nasionál,” dehan nia, iha CNE, Kolmera, horisehik.
Nia hanoin, tempu legal apuramentu nasiona hotu Kinta (24/3), maibé bele estende tan no elebora ata to’o 27 Marsu hanesan ne’e CNE submete ona tribunal para deside no valida ona kona-ba rezultadu ne’e.
“Ami sei sura hela potensia ba segunda ronde ami la promunsia, maibe preparasaun orgaun eleitoral ami iha fatin hamutuk ho STAE rejistu keixa ruma, reklasaun no kritika sira ajuda liután ba orgaun eleitorál,” tenik nia.
Entretantu, Tomas Cabral nu’udar Koordenador Jerál Ekipa Susesu Kandidatu, Jose Manuel Ramos Horta hateten, tempu atu halo apuramentu nasionál tanba ne’e CNE bolu reprezentante ekipa susesu mai.
“Tanba iha diferensia iha votus validu no votu ne’ebé partisipa liu rihun 17, depois iha ata balun atraza mai, depois bulletin votu nulu no reklamadu ne’e ninia numeru boot no indika ba kandidatu balun,” tenik nia.
Nia dehan, sira kestiona mós ho reprezentasaun fiskais, problema mak fiskais ne’ebé koloka, ofisiais elitorais iha sentru votasaun nunka konsidera fiskais sira reprezentasaun iha ne’ebá, tanba ne’e atu ne’e la’o hanesan ne’e.
“Ami husu ba sira tenke hadia prosesu ne’e, tanba sira mak pronunsia votu nulu ne’e sai hotu validus hotu, la’os ami husi kandidatura mak proimunsia,” nia relata.
Tomas hatutan, CNE mak promunsia tanba ne’e bolu ekipa susesu kandidatu sira mai atu konfirma, bele husu ba tribunal atu fó tempu uitoan atu verifika nulu sira ne’e.
“Ami hanesan reprezentante kandidatu, ami preokupa tanba atu la’o hotu ona, tanbasá ne’e akontese, partisipasaun sira dehan liu 70%, votu valide liu rihun 600 de’it, ne’e mak situasaun baralla CNE atu konfirma fila-fali votu nulu ne’ebe iha,” nia informa.
Nia afirma, lei fó dalan ba CNE tanba nia mak halo apuramentu nasionál, iha munisipiu ema bolu rekonsiliasaun ata, apuramentu inisial iha sentru votasaun.
Maibé CNE dehan iha apuramentu inisial iha buat balun la’o ladun loos, maibé lei fó dalan ba sira atu halo apuramentu nasionál no apuramentu nasionál nia prazu mak atu remata ohin.
“Maibé depois iha apuramentu nasionál sira hetan hela lakuna balun. Agora segunda volta, tribunál rekursu mak tenke deside, sira hein rezultadu final husi CNE nian,” tenik nia.
Nia reforsa, CNE nia obrigasaun mak tenke haree akta sira tomak hodi rekomenda ba tribunal, votu validu hira no atribui ba kandidatu ne’e hira, votu nulu hira, reklamadu ne’e hira.
“CNE ninia relatoriu para submete ba tribunal rekursu, atu kaer desizaun CNE nian, bele proklama no valida eleisaun, bele ba segunda volta,” tenik nia.
Ekipa susesu husu ba CNE atu supreziona STAE nia servisu, liuliu imprime bulletin votu, haruka sasan naun sensitivu ba munisipiu.
“Ami informa ba STAE iha sentru votasaun balun, STAE nia ema lakohi fó ata, ne’e sala, lei dehan fiskais kandidatu obrigasaun atu hatene ata, ne’e ami husu ona para halo avaliasaun ba STAE, see iha segunda volta para obrigasaun tenke fo ata see la fo ata razaun saida,” nia informa.
