Nia dehan, Timor-Leste sai hanesan modelu ezemplar iha mundu kona-ba eleisaun, tanba observador internasional barak mak partisipa no g7+ haree seidauk iha koinsidensia fraude ba eleitor sira, la’o normal, trankilidade, pasifiku no hatudu ema nia ezertu síviku.

" Agora kultura ne'ebe ita tenke kuda iha sosiedade mak ne'e, sé mak lakon tenke telefone ba ida manan fo parabens, ida ne'e hatudu ba ita-nia eleitoral sira mak ne'e, lakon tenke rekonese lakon no rekonese mos ema vensedor sira, ida ne'e nasaun demokratiku hanesan ne'e," tenik nia, iha Ministeriu Negosiu Estranjeiru Praia Kokeiros, horisehik.

Iha fatin hanesan, observador eleitoral internasional, Lerry Frangawa, husi Sierra Leone, Afrika hateten, Timor-Leste nia eleisaun la’o hakmatek tebes, kompara ho pais avansadu sira.

"Ha'u iha ne'e mai hanesan g7+ nia observador internasional. Ha'u servisu ba Komisaun Nasional Eleisaun nia observador. Ami-nia mandatu iha ne’ebá ne'e atu organiza ho superviziona eleisaun iha ami-nia rain. Ha’u to'o mai, haree Timor pás iha hakmatek, konsege duni ba haree konstitusional balun iha Dili laran, iha Sábadu dader ne'e ha’u ba haree antes votasaun loke ami-nia knaar ba haree buat hotu lao di'ak ka lae, ne'e importante ba ami hanesan observador," dehan nia.

Nia hatutan, Timor nia lei loke iha tuku hitu no taka iha tuku tolu, hanesan observador, prosesu sira ne'e hotu komesa husi tuku 7 to'o tuku 3, iha sentru votasaun balun mós buat hotu Lao tuir hotu oras ne'ebé di'ak tebes.

"Ami ba haree, pas oras hotu ami mós haree kontajen votu to'o hotu. Konta nasional ida ha'u haree katak, imi-nia eleisaun ne'e la’o ho pasifiku, la’o ho di'ak no la’o ho pás. Kuandu ambiente la’o hakmatek, pasifiku, paz, ne'e signifika iha rezultadu finál mós sei simu ho di'ak," dehan nia.

Nia dehan, empresadu loos nivel toleransia politika entre suporte ho votantes sira emporsonante mak ne'e la iha violensia, CNE ho STAE Sira halo servisu ke emporsonante di'ak tebes fo jempol ba sira, mais enjeral eleisaun lao di'akiak ne'e la signifika la iha bu'at balun tenki hadia, sempre iha espasu atu hadia di'ak liu tan

"Ami G7+ sei halo komperensia imprensa, iha loron hirak tuir mai Ami mos sei halo relatoriu no nudar sidadaun Ami mos sei propoin areas ne'ebe tenki iha ajustamentu no Transformasaun tenki hadia, nu'udar observador tenki hare'e no fo rekomensaun atu hodi hadiak liu-liu ba orgaun eleitoral Rua ne'ebe Ita iha," tenik nia.