"Ami hanesan observador fo optimismu ba servisu Sekretáriu Tekniku Administrasaun Estatál no Komisaun Nasional Eleisaun ne'ebe organizadu di'ak tebes", dehan nia, iha Hotel Timor, horisehik.
Nia dehan, kandidatu sira bele hala'o eleisaun sein restrisaun no kampana hala'o ho dame ho insendente balun deit, iha paktu dame no organiza husi CNE hodi bele kontribui iha eleisaun.
Ruiz hatutan, maski kandidatu sira ho independente balun hetan apoiu husi partdiu politiku, ne'e rezulta iha kompetisaun ne'ebe la hanesan iha ne'ebe kandidatu balun hetan vantajen finanseiru no estrutural kompara ho kandidatu seluk.
Nia dehan, observador EU vizita estasaun votu 174 iha munsipiu 12, Inklui Rejiaun Adminitrativu Especial Oekusi Ambenu (RAEOA) avalia votasaun no kontajen la'o ho di'ak kuaze iha estasaun votu hotu ne'ebe iha observa no deskreve atmosfera hanesan pasifika no prezensa husi fiskal sira garante transparensia husi prosesu ne'e ho di'ak no susesu.
Nia hateten, iha observasaun husi EU nota, partisipasaun feto iha Timor-Leste ho numeru rekorde husi kandidatu feto na'in haat mak kompete iha eleisaun ho numeru kiik liu kompara ho mane sira.
"Iha eleisaun prezidensial ne'ebe ekipa obsevador sira haree prosedimentu ba votasaun no kontagem kona-ba votu la'o tuir dalan ne'ebe tranparente no garantia sufisiente," tenik nia.
Nia Informa, maski iha eleisaun prezidensial ne'e iha insendente balun ne'ebe akontese duni, maibe agradese tanba ikus mai bele finaliza eleisaun ne'e la’o ho di'ak no susesu.
Enkauntu, iha deklasaun premininar husi observador UE ne'e sei fo sai nafatin kona-ba rezultadu final no desizaun ba reklamasaun eventu sira, nune'e ekipa observador ne'e sei mantein nafatin iha pais hodi observa.
Iha parte seluk, observador husi Komunidade Pais Lian Portuges (CPLP) kongrutula Timor-Leste tanba konsege realiza eleisaun ho kredivel no transparante.
"CPLP Kongrutula boot ba autoridade Timor-Leste ne'ebe eealiza eleisaun kredivel, livre no transparante no pasifiku hodi fó ona kontribuisaun boot ba partisipasaun boot ba mane no feto ba tuir votu", dehan Embaixadór Missaun Eleisaun iha Timor- Leste, Jose Alves Primo, iha Hotel Novo Turismu.
Nia hateten, MOE ho CPLP fahe ba ekipa hitu, ekipa iha Dili iha obsevador husi ekipa tolu, Aileu Ermera, Likisa no Manatutu, iha ekipa ida-idak kada munisipiu.
Ekipa sira ne'e hala'o servisu hodi akompana no observa ba kampana eleitoral iha Dili no abertura ba enseramentu ba urna no kontajen ba nivel sentru votasaun nian.
"Observasaun husi ekipa misaun CPLP ne'ebe iha munisipiu observa total husi sentru votasaun iha territoriu Timor laran total 131 sentru votasaun ho total votante 142.624," nia dehan.
Nia dehan, prezensa missaun UE ho CPLP nian mai iha Timor-Leste iha Loron 11 to'o 27 Marsu ho objetivu sai observador ba prosesu eleisaun ne'ebe realiza iha 19 Marsu to'o remata.
