Lere hato mensajen ba povu, kompatriota nasionalista inan-aman kasian ai-leba no mama malus povu Timor-Leste tomak, juventude virtuais katak keta haluha iha loron  19 fulan-Marsu labele tú sala, tú númeru sorteiu 8 hodi bele marka deferensa.

“Imi nia kandidatu númeru 8 Lere Anan Timur boiña mean reprezenta ran ho isin ne’ebé ke fakar iha rai doben Timor. Imi hili imi nia apoiante kandidatu ida ne’e atu marka diferensa atu lori fila estabilidade politika mai ita nia rain liu husi dialogu atu bele iha unidade estabilidade nasionál xave ba dezenvolvimentu. Ha’u sei ba baku ka dere odamatan lider idak-idak husi ita nia maun Xanana, maun Ramos Horta, Mari Alkatiri, Taur Matan Ruak, Lú Olo atu tur hamutuk dialogu,” dehan nia hafoin remata debate nasionál iha Salaun Novu Turizmu, tersa (15/03).

Dalan dialogu importante hodi hakotu tiha empase politika rai laran, bele lori nasaun ida ne’e ba oin iha progresu dezevolvimentu, joven sira futuru mai labele sai fali vitima lider hirak ne’e nia problema, tanba ida ne’e mak repete tan dala ida sai Prezidente Repúblika sei lao uma ba uma.

“Ha’u sai prezidente repúblika ha’u sei lao uma ba uma ba lider ida ba lider seluk atu konvense atu hakraik aan ba sira atu bele dialogu hodi servi ita nia povu no ita nia rain, tanba ita na’in hirak ne’e mak soldadu rihun ba rihun fakar sira nia ran. Ita nia patriota nasionalista iha vila rona ita fiar ita sira fakar sira nia ran,” nia afirma.

“Ha’u prezidente repúbliak ha’u impase politika, ha’u lakohi krize, ultimo mandatu ona tinan lima mai ha’u sei entrega ha’u nia knar nu’udar prezidente repúblika ba jerasaun foun foinsa’e sira”.