Nia dehan, uluk iha funu laran joven barak mak se hirus matan ba kilat musan hodi hakarak ukun rasik aan ho nune’e jerasaun foun agora iha kapasidade atu kaer ukun.

“Ita ukun aan ona foin mak ita nia maun sira duvida fali ita nia kapasidade hau hamriik hanesan ema tiomroan hodi defende Timor” dehan bainhira hala’o kampaña ho tipu fahe stiker ba negosiante sira iha merkadu Manleuana,horisehik.

Hafoin observa negosiante kiik, Kalohan dehan, Estadu tenke kria kondisaun diak ba negosiante kiik sira atu hadia ekonomia hodi nesesita moris lor-loron nian.

“ekonomikamente iha rai laran ema seluk hadau ona tanba ne’e hamrik iha ne’e atu halo reprezentasaun ida ba imi atu bele foti fila saida mak ita nian no tenke ita mak kaer rasik”,dehan nia.

Iha fatin ketak, observador politika husi UNTL Camilio Ximenes hateten, labele lori material kampaña hodi uza liafun jerasaun foun no tuan tanba bele hafahe malu timor-Oan.

‘Ita presija malu husi ema idaba ema seluk atu bele ajuda malu hodi garantia dezenvolvimentu nasionál ne’ebé planeia ona”,dehan nia.

Tuir nia, kandidatura sira ne’ebé kandidata aan ne’e sira hotu lider no iha profil politiku ne’ebé diak atu lidera nasaun ne’e maibe sira tenke tau programa politika  diak hodi dezenvolve nasaun.

“uluk ita la distige ida jerasaun tuan no foun maibe ita Timor ida deit hodi luta ba independensia” dehan Camilio.

Tanba ne’e, nia husu ba kandidatura ba PR nia apoiantes no militantes atu labele provoka malu hamosu violensia hodi fó susesu ba festa demokrasia.

Nia husu ba parte seguransa atu halokooperasaun ho orgaun regulador ba eleisaun hanesan CNE no STAE halo akompañamentu ba aktividade kandidatura ba PR nian atu prosesu kampaña lao labele kontra lei eleisaun nian.

Tane Aas Dignidade Feto TL

 Kalohan hato’o parabéns ba feto Timor-Leste atu kontinua tane aas dignidade Feto iha Timor-Leste.

Iha mundu rai klaran sosiedade hotu-hotu komemora loron Internasionál feto iha loron (08/03) hodi respeita no apresia realizasaun polítika, ekonómika no sosiál feto sira.

“Nu'udar Kandidatu ba Presidente Repúblika hakarak lori ha'u nia naran no ha'u nia família nia naran hato'o parabéns ba inan feton hotu iha TL nian no mós parabéns ba feto sira iha Mundu. Parabéns!”, dehan kandidatu ba PR númeru ualu ne’e.

Kandidatu ba PR husi Partidu Demokrátiku ne’e dehan, Feto nu'udar parte sosiedade ne’ebé ninia estatutu hamriik hanesan seer umanu.

“Ita TL halo ona esforsu makas atu tane as feto ninia existensia iha sosiedade no hatuur dignidade feto nian hanesan ho mane,”Dehan Kalohan.

Nia dehan, Estadu Timor-Leste sei presiza esforsu nafatin atu feto mós hola desizaun ba vida polítika nasaun nian, hola desizaun atu hala'o dezenvolvimentu iha nasaun laran.

Primeira Dama Apoiu Kalohan

Premeira Dama Isabel Ferreira akompana husi  espoza kandidatu númeru Ualu hala’o vizita ba HNGV hodi hareeinan no bebe sira iha sala maternidade .  

“Ha’u Apoiu maun kalohan ha’u tenke lao ho nia espoza hodi haree atividade ne’ebé maka ha’u hala’o karik ha’u lao ho kanditadu nia ezpoza seluk orsida ema dehan ha’u aikakeu tanba ne’e ha’u tenke lao ho kalohan nia espoza,”Dehan Primeira Dama iha HNGV-Bidau,Horisehik.

Objetivu vizita HNGV  ne’e, Inan Nasaun ne’e dehan, elasiona ho loron mundial feto hodi  konvida espoza  kandidatu ba PR atu haree atividade ne’ebé hala’o.

Tanba, PD Isabel fiar katak,Prezidente Matan Ruak nia mandate hotu Kalohan mak sei troka.