“Ha’u admirasaun ba Lere. Nia ema ida ne’ebé kompetente. Ha’u manan, ha’u mós buka hako’ak nia, konvida nia mai ita servisu hamutuk,” dehan nia, iha kampaña Futebool Ladi, Postu Administrativu Suai, Tersa (8/3).
Nia dehan, nia vitoria, vitoria povu nian, la’ós derota ema seluk nian. Nune’e, maluk balun iha FRETILIN ne’ebé insulta beibeik nia, maibe bainhira manan dala-ruma balun sei servisu hamutuk.
Iha fatin hanesan, Vise-Prezidente Partidu CNRT, Gil da Costa Monteiro “Oan Soru” hateten, kandidatu Prezidente Repúblika José Ramos Horta sei manan iha Munisípiu Kovalima.
“Maibé ita barak iha ne’e labele marka deit ita nia prezensa, tenke marka istoria iha ita nia fuan, tanba ida ne’e mak nasaun no povu hein hela,” tenik nia.
Nia relata, kuandu nia memoria fraku atu lori ba ne’ebé, hotu-hotu akompaña iha media oioin insulta sira komesa mosu, ne’e hatudu kuandu laiha ona esperansa, emosaun mak mosu uluk.
