"Prezidente Republika mak xefe nasaun no responsavel tomak atu asegura funsionamentu normál governu no defende Konstituisaun RDTL no garante estabalidade nasional nasaun nian," dehan nia, iha Postu Adminitrativu Natarbora, Munisípiu Manatutu, Kinta (3/3)
Nia dehan, sai prezidente republika tenke hala'o politika diplomatika hodi hametin relasaun diploma ho nasaun seluk hodi promove Timor-Leste no buka atrai investimentu esterna iha rai-laran.
Nia hatutan, bainhira politika esterna ne'e la ativa sei desapresa iha mundu nia matan, hanesan nasaun ki'ik sira iha pasifiku ne'eba kuaze ema la hatene, tanba iha rai ne’e atividade ne'ebe halo iha kapasidade hodi molibiza soliedariedade prezensa iha Estadus Unidus halo Timor koñese iha nasaun hotu.
"Entaun ita labele lakon oportunidade ne'e, tenke mantein Timor Leste iha Mundo Internasional nia matan, liu-liu ligasaun ho Komunidade internasional,
"Prezidente tenke servisu hamutuk ho ministeriu negosiu estranjeiru hodi bele transa politika esterna bele lori Timor-Leste ba iha mundu internasional", katak nia.
Tanba ne'e, nia sai prezidente republika sei kolabora ho nasaun ne'ebe dezenvolvidu hodi bele promove di'ak liután Timor-Leste iha mundu internasional.
Lori Futuru TL ba Mudansa
Kandidatu Prezidente Republika, Constancio Pinto hateten, povu Timor-Leste tenke hili nia Prezidente Republika ne'ebe atu lori dezenvolvimentu no mudansa ba nasaun.
Nia hateten, to'o ona tempu para povu ne'e bele hola no deside dezisaun ba lideransa foun ba Prezidente Republika ne'e, tanba persiza futuru Timor Leste nian.
"Iha eleisaun ne'e ita ko-alia kona-ba futuru Timor-Leste nian, liuliu futuru ba jerasaun foun nian, tanba iha Timor-Leste 80% ema joven de'it, nune'e mós povu maubere ain tanan barak mak sei moris iha mukit nia-laran," dehan nia, iha Suku Tutuala, Postu Adminitrativu Tutuala, Munisipiu Lautem, Sesta (5/3).
Tanba ne' e, nia dehan, povu lalika lakon tan tempu iha tinan oin mai, tenke iha desesivu ba Konstrusaun Estadu nasaun nian ba dezenvolvimentu iha rai ne'e.
"Atu halo ida ne'e tenke iha armonia lider sira ho estadu hamutuk governu no ezekutivu sira hodi koopera ba malu no tenke iha Prezidente Republika ne'ebe sai hanesan mediador hodi rezolve problema povu nian", tenik nia.
Nia hatutan, Prezidente Republika labele interese privadu ne'ebe moruk ho ema seluk, maibe tenke sai mediador hodi komunika ho ema seluk atu bele rezolve situasaun povo nian ne'e importante tebes.
Kansela Kanpana iha Samalari
Kandidatu Prezidente Republika, Constancio Pinto ‘Terus’ kalo kansela kampaña eleitoral tuir orariu husi Komisaun Nasional Eleisaun (CNE), iha Suku Samalari, Postu Adminitrativu Baucau, Munisipiu Baukau.
Ekipa susesu kandidatu Constancio, Ady Jose Andre Pinto hateten, kandidatu kansela kampana eleitoral iha Samalari ho razaun, tanba problema natureza udan boot iha fatin ne’e halo transporte ba la di’ak.
"Labele hala'o kampaña eleitoral tuir orariu ne'ebe deside ona mai ami, tanba problema natureza udan ne'ebe bo'ot, ami-nia komisaun iha fatin kampaña informa mai ami katak iha suku Samalari ne'ebe sai hanesan fatin dialogu ho komunidade sira kansela, tanba problema natureza udan bo'ot entaun tranporte labele tama iha ne'eba", dehan nia, iha Laga-Baucau, Sesta (4/3).
Nia hatutan, problema natureza iha fatin ne’e ho udan ne'ebe boot halo transporte husi Laga-Baucau iha suku ne'e la diak, husi fatin Samalari ba iha fatin seluk mos la di’ak.
Nia dehan, maski Kandidatu Prezidente ne'e kansela halo kampana eleitoral iha fatin ne’e, maibe nia garante komunidade ka militante sei fó votu ba kandidatu ne'e iha Loron 19 Marsu.
Enkuantu, kandidatura Presidente Republika ne'e iha kontaktu másimu ho komunidade sira, nune'e nia espera sei fó votu ba kandidatu ne’e.
