Tuir nia, iha Munisipiu Vikeke ne'e iha pontesial boot tebes atu hodi dada bee moos ba populasaun sira iha Vikeke no Bee-Assu agora prosesu hela.
Nu'udar xefe estadu hakarak ka lakohi tenki tau prioriedade dada bee moos mai Vikeke, atu bele kria kampu traballu joventude sira enjeral.
"Aleinde Vikeke iha pontesial boot tebes, hanesan agrikultura ho setor produtivu bele fo moris ba povu,” tenik nia, iha OSsu, Sesta (4/3).
Entaun, presiza eleva produsaun ne'ebe ho kuantidade boot atu bele prepara, oinsa bele suporta ba rai-li’ur.
Haree ohin loron ho produsaun lokal ne'ebe komunidade sira iha, laiha kuantidade boot no konsumu iha teritoriu laran tomak.
"Tanba ne'e ita presiza haree durante ne'e ho situasaun husi governu fo atensaun ba setor sira ne'e,” tenik nia.
Atu eleva produsaun lokal rasik estadu tenke kria ligasaun ne'ebe diak, nune'e produsaun tinan ida dala ida bele mós tinan tolu dala ida.
Tanba ne'e, pasadu iha Munisipiu Vikeke ida parte agora daudaun ne'e mini-kampana iha Ossu iha tempu uluk portugues esporta ona foos ba rai-li’ur.
Sai eleitu Prezidente Republika sei preokupasaun ba munisipiu sira hotu, karik sai nu'udar xefe estadu sei fo atensaun, oinsa bele fo prioriedade ba setor produtivu ida ne'e primeiru estar.
Segundu, sai xefe estadu iha responsabilidade hodi kria kondisaun haree mós estabilidade ba pais ida importante tebes. Nune'e, bele liberdade komersiante sira hodi halao sira-nia atividade ho kondisaun dignu.
Tinan 20 Situasaun Difisil
Kandidata halo mini-kampana iha Postu Administrativu Ossu, Munisipiu Vikeke, tama ona tinan 20, iha rai-laran utrapasa difisil no risku tebes.
Maria Angela hatetenm tama ona tinan 20 ho situasaun rai-laran, ohin loron utrapasa ne'ebe difisil no kompleksu tebes no triste.
Tanba ne'e, ho situasaun politika rasik halo ema barak mak la konsege konsetra saida mak sira sente iha rai ne'e problema boot.
Liu-liu aprezentasaun iha publiku mos laiha konvensia, tanba de’it situasaun politika, asiasaun politika tama populasaun sira nia leet.
To'o ikus asesu ba dereitu ida ne'ebe sei iha direitu destaku konsegradu ba konstituisaun, dala ida tan husu Ossu oan tempu to'o ona tenke loke matan.
Tinan 10 ona ukun nain sira la kria kondisaun ho dignu, atu fasilita joven sira no inan-aman sira ne'ebe lao sira-nia atividade negosiu iha rai doben ne'e.
Nia dehan, triste tebes karik hakarak nafatin moris ne'ebe ho kondisaun hanesan entaun kontinua nafatin hili sira, sei hakarak mudansa tempu to'o ona atu hili figura foun.
“Ha'u hanesan Ossu oan moe ho situasaun ne'e, tanba estrada husi Dili mai to'o Munisipiu Vikeke estrada ne'ebe kua tun-sa’e, inan isin rua karik oan moris iha dalan.
Observasaun jornalista INDEPENDENTE, husi kandidata Angela halo mini-dialogu ba komunidade sira iha Postu Administrativu Ossu no situasaun mini-kampana la’o normal no hetan akompañamentu husi seguransa másimu husi Polisia Nasional Timor Leste (PNTL) ho Komisaun Nasional Eleisaun (CNE).
