DILI: Igreja Dioseze Dili liu husi Komisaun Justisa no Paz realiza jornada pás ho tema “Muda O-nia fuan, muda mós Timor”. Eventu ne’e hala’o relasiona ho loron eleisaun prezidensiál no parlamentár iha 2017 nia laran.Bispu Dioseze Dili, Don Virgílio do Carmo da Silva hateten, jornada ba dame ne’e hahú ona iha 2006 ho naran movimentu asaun laiha violénsia. Nune’e, iha 2012 hamutuk Komisaun Justisa no Paz hala'o jornada da pás husi Ai-Mutin too Lesidere.

“Espíritu ida ne’e mak ohin lori ita hotu atu halibur hamutuk hodi hametin liután kompromisu ida ne’e muda O-nia fuan muda Timor, ita bele husu ba ita nia aan tanba saida mak ita preokupa ho dame,” dehan Bispu Virgílio, iha Largo Lesidere, Kinta (2/3).

Bispu dehan, mai hamutuk iha fatin ne’e tanba timoroan hotu hakarak atu pás mak ukun ho fuan tanba hakarak moris iha hakmatek nia laran. Tanba povu ida ne’e foin ukun rasik-aan lakohi atu iha tan violénsia.

“Finalidade ba halibur malu ida ohin atu kompromisu liu ita nia rai atu halo tan istória liu husi selebrasaun festa demokrasia mak ita sei hili ita nia na'i ulun sira atu kaer nasaun ne’e nia destinu no povu nia futuru,” tenik nia.

DIILI: Kazu Eis Ministra Finansas Emília Pires ne'ebé too agora seidauk koopera ho justisa, Ministru Estadu Koordenadór Asuntu Administrasaun Estadu no Justisa, Dionísio Babo Soares, entrega fali responsabilidade ba Primeiru Ministru.

Nu’udar ministru ne'ebé tutela ba área justisa nian, Dionísio laiha liafuan atu ko'alia. Kazu ne’e entrega fali ba iha Primeiru Ministru mak atu responde.

“Ha'u labele ko'alia hodi hotu governu nia naran, maibé pozisaun governu nian ne’e só Primeiru Ministru mak bele fó komentáriu ba kestaun sira hanesan ne’e,” dehan nia, iha Hotel Beach Garden Praia Kokeiro, Sesta (17/2).

Governante ne’e dehan, kona-ba Emília Pires ne’e kestaun judisiáriu tanba sei iha hela prosesu. Tanba ne’e tenke respeita no labele halo fali komentáriu ne'ebé bele prejudika fila-fali ka halo intervensaun ba iha prosesu judisiáriu.

Tanba ema barak mak fó komentáriu, maibé la relevante no buat hotu trata tuir kanál judisiáriu, importante mak timoroan hotu tenke koopera ho justisa.

“Ita husu ba Mana Emília para bele koopera ho justisa hodi hetan rezultadu ida ne'ebé aseitavel tuir lei para ita bele responsabiliza,” tenik nia.

PJR Aprezenta Rekursu

Relasiona ho kazu Eis Ministra Finansas (MF), Emília Pires, aleinde Advogadu Emília Pires nian aprezenta rekursu hodi defende, Ministériu Públiku mós halo rekursu hodi aumenta pena.

“Ninia advogadu aprezenta ona ninia rekursu, ami mós aprezenta ninia rekursu, ida ne’e mak ha'u bele fó hatene,” dehan Prokuradór Jerál Repúblika (PJR), José da Costa Ximenes, iha Palasiu Prezidente Ai-Tarak Laran, horisehik.

Nia dehan, hein Tribunál Rekursu mak sei deside, tanba estatutu proibidu ne’e para atu ko'alia detalla kona-ba kazu ne’e. Tanba, antes desizaun sai ema sira ne’e sai prejuizu inosente.

DILI: Pagamentu saláriu ba Funsionáriu Públiku (FP) iha fulan Fevereiru posibilidade sei kontinua simu tarde. Ajustamentu saláriu ba funsionáriu sira seidauk remata.

DILI: Ministru Administrasaun Estatál (MAE), Dionísio Babo Soares hakarak eleisaun ne’e ronda ida de’it. Atu nune’e, labele estraga osan barak iha eleisaun prezidensiál períodu 2017-2022.