Prezidente Repúblika mak sai hanesan simbolu nasional, hodi garantia funsionamentu instituisaun demokratiku sira hodi haknar aan tuir de’it konstituisaun, labele halo interpretasaun mesa-mesak ba konstituisaun hodi afavor ba ninia grupu partidaria.

Prezidente Repúblika ne’e responsabiliza ba polika jeral estadu atu leno aan ba bem estar povu.

Governasaun ida mosu PR mak nomeia no fó pose ba Primeiru Ministru no instituisaun independente sira, Xefe Estadu mak garantia sira nia funsionamentu, atu ida-idak bele haknar aan ho separasaun poder ne’ebé iha, maibé interdependensia ba malu. Prezidente Repúblika tenke promove dialogu nasional oinsa atu ko’ali ba malu, hodi halo knaar iha instituisaun ida-idak maibe tenke kordena malu, tanba hotu-hotu leno aan ba bem estar povu nian.

“Ita tenke hametin instituisaun demokratiku sira no profisionaliza sira, para bele fasilita povu hodi hadia moris,” dehan nia, nia iha Baukau, Puzada, Domingu (13/03).

Ohin loron bee moos, eletrisidade, saúde, eskola no sira seluk seidauk masimu PR tenke buka halo politika oinsa atu bele koordena ho governu atu bele responde.

Prezidente ne’e hanesan mós komandate supremu forsa armanda nian, tenke garantia hodi profesionaliza militar sira, maske ohin loron númeru militar ne’e sei ki’ik maibé oinsá sira bele iha kapasidade atu bele kontrola soberania ida ne’e.

Entretantu Assanami dehan, Prezidente Repúblika ne’e haktuir de’it konstituisaun ne’e la’os governu atu halo buat hotu-hotu, maibé nia responsabiliza de’it ba politika jeral estadu hodi garantia de’it labele mosu diskriminasaun iha sosiedade.

Tanba ne’e, bainhira povu fó fiar nia sai PR mak sei garantia funsionamentu instituisaun demokratiku hotu-hotu sei la’o tuir konstituisaun, no sei garantia moris diak ba povu no nasaun nian.