Kandidatu ne’e husu, tanba antes ne’e bulletin votus ne’ebé lori ba munisípiu balun kuak ona, no balun tinta nakfakar iha leten, maibé nia fiar nafatin katak buat sira ne’e la’os STAE no CNE mak halo.

“Ha’u fiar ba imi servisu ba direitu povu maubere ne’ebé sosa 300 mil pesoas mate ba rai ida ne’e, imi hambrik iha rai luluk ida  ne’e, imi hambrik iha asuwain sira nia ran no ruin, tanba ne’e tenke organiza eleisaun ne’ebé justu labele halo manipulasaun,” dehan  nia, iha Fatuhada, Sesta (18/03).

Assanami reforsa,  bainhira povu  ki’ik ida ne’ebé mai ho problema fiziku husu nia dehan, atu hili kandidatura ida ne’ebé tenke tuir duni ninia konensia, bainhira halo duni ida ne’e mak foin hatur dignidade CNE no STAE nian no hatur dignidade povu maubere nian.

Eleisaun ne’e hanesan prosesu demokratiku ne’ebé atu rezulta ukun ida ne’ebé bele lori rai no povu ida ne’e ba oin, tanba ne’e husu atu orgaun eleitoral sira tenke onestu, transparante, hodi rejulta eleisaun ne’ebé justu.