Arsebispo Metropolitano Dioseze Dili, Virgilio do Carmo da Silva hatete, ema hotu hatene katak hetan iha tempu okupasaun ne'e hotu-hotu ezerse bu'at ne'ebé determina liu mak povu, povu idak-idak ki'ik ka boot importante tebes, ida ne'e mak determina katak se mak sei manan.

"Tanba ne'e ba ita hotu no kandidatu hotu ezerse hotu ona imi nia poder iha kampaña agora ita hein rezultadu saida mak mai ita tenke simu, tanba iha ne'e la'os ita mak determina maibé povu mak determina, ne'e duni se povu hili ha'u kontente, se povu la hili ida ne'e dehan katak la'os ha'u nia dalan tenke simu realidade,"dehan nia hafoin ezerse votu iha Sentru votasaun Sede Suku Biadau, Sabadu (19/03).

Tuir nia katak, kandidatu ne’ebé povu seidauk fó fiar iha periodu ida ne’e, bele prepara an didiak iha periodu tuir mai.

Maibé iha periodu tuir mai mak la kontinua hetan fiar, dalan la'os ida ne'e, karik iha dalan seluk no kontinua kontribui ba nasaun ida moris ho dame, paz iha dezenvolvimentu.

 “Ohin la akontese maibé tinan tuir mai se maromak dehan iha duni prezidente, prioridade mai sei hala’o nafatin ida ne'e, ne’e duni lalika dezanima, prepara aan di'ak liu tan ba periode tuir mai,”dehan nia.

Tuir nia, iha fulan hirak liu ba Timor-Leste hatudu ba mundu maturidade politika mundu apresia no louva Timor tanba bele hala'o didi'ak ninia demokrasia, mundu rekoinese tebes politika Timor nian iha dame no paz.

"Depois de ida ne'e ita hakmatek, ita evita violensia, agora ita marka hela istoria foun ida mundu Agora hatene hela mai ita, ha'u Enkoraja mai ita hatudu ezemplu di'ak ba mundu, iha ne'e mak ema bele dehan katak Timor maske kiikoan istoria ne'e moruk Timor aprende atu husik hela pasadu hateke ba oin hatudu ba mundu katak bu'at ida violensia ne'e pasadu ona, ba oin promove kultura dialogu liberdade ezerse maneira ne'ebé ita hala'o dadaun," dehan nia.

Ne'e duni ba Joven sira lia menon ba hotu-hotu hakmatek ba, tanba Joven sira halo violensia dala barak se mak terus, ikus mai joven mak terus familia mak terus, ne'ebé ema ida manan ne'e la afeita ba Nia, tanba ne'e pouba hanoin didi'ak katak se la manan hein fali tempu seluk.

"Bu'at ida esperansa mak ne'e, ita nia esperansa mak hetan nai ulun di'ak atu iha tinan lima mai ne'e bele ka'er hamutuk ita nia konstrusaun, kaer hamutuk ema hotu iha rai ida ne'e Kapasidade halibur hotu, tau ba kotuk interese Politiku, interese partidu maibe ida de'it hatudu ida ne'e iha rai laran no ba mundu," tenik nia.