AMP iha konsellu diretiva nasionál, tanba ne’e sira mak sei define deputadu 34 atu ida bele ba kandidata aan ba Prezidente PN, vise-prezidente PN, sekretaria meza no ba presidente kada komisaun espesializada sira.

Servisu iha partidu ne’e órgaun kolejiál, tanba ne’e desizaun hotu-hotu koletivu prosesu sira ne’e kabe hotu ba konsellu diretiva nasionál hodi deside.

Arão lakohi komenta ba nia kandidatura ne’ebé antes ne’e publika ona iha media nasionál sira, tanba desizaun hirak ne’e sei deside husi lideransa másimu AMP nian.

Maski nune’e, deputadu ne’e prontu atu halo saida de’it, maibé ne’e depende ba konfiansa lideransa sira nia hodi eleje deputadu 34 husi AMP nian sé-sé maka atu merese hodi sai kandidata-aan, tanba hotu-hotu iha direitu ne’ebé hanesan.