Nia dehan, Raiña Elisabeth di'ak tebes, sai ezemplu ba Monarkia hotu iha mundu hodi halibur ema hotu, agora nia fila ona ba mundu seluk.
"Ha'u hakruuk ba nia, ba nia sentimentu ne'ebé fó orgullu tebes, husu ba Aman Maromak simu nia iha reinu Lalehan," dehan Xanana, iha Aeroportu Internasionál Prezidente Nicolau Lobato, Sesta (9/9).
Nia hatete, iha tinan 2003 liurai feto Inglaterra ka Raiña Elizabeth II konsege fó ona medalla kondekorasaun Honorary Knighthood of the A Grand Cross of the Order of St. Michael no St ba Kay Rala Xanana Gusmão.
“Ha'u agradese tebes ba Raiña Elisabeth, tanba nia fó medalla ida ba ha'u ho nia presu boot, sente la merese ho buat ne'ebé nia fó mai ha'u, ha'u hakruk no agradese ba nia," hatete nia.
Entretantu, Raiña Elizabeth Alexandra May, moris iha Inglaterra, 21 Abríl 1926, no hakotu iis ho idade 96.
Raiña Elizabeth II ho Prínsipe Philip iha oan na'in haat hanesan oan dahuluk mak Charles, Anne, Andrew no Edward. Ho Raiña Elizabeth II ninia mate mak nia oan mane dahuluk prínsipe Charles ho tinan 73 mak sei troka nian hodi sai prinsipe iha Britâniku Raya.
Alende, Liurai Feto Inglaterra ne'e mós sai Raiña ba Monárkia iha konstitusionál estadu soberanu hamutuk 16 no Prezidente ba Estadu membru Commonwealth ha 54 inklui sai mós hanesan Governadora aas liu iha Igreja Inglaterra nian .
