Ministériu planeiamentu Investimentu Estratejiku, Gastão Francisco de Sousa hatete, MPIE nia funsaun atu haree planeamentu ne'e la'o oinsa, no investimentu fundu minerai ne'e atu investe ba area importante saida.

Tanba ne'e investimentu  ohin seidauk ko'alia, tanba sei iha diskusaun ketak, fundu infraestrutura sei  investe ketak, ne'e duni ohin ko'alia de'it kona-ba funsionamentu ministériu ne'e rasik no instituisaun tuteladas sira.

"Ohin deskuti de'it kona-ba nia operasional, ne'ebe iha diskusaun  ida-ne'e, ami aprezenta adisional,  tamba osan ne'ebe aloka husi ministéeiu  finansas sei hatun ba buat ne'ebe ami propoin ba," Informa  Gastão Sousa,ba jornalista sira, iha salaun auditoriun MF aitarak-laran kinta (07/08)

Governante ne'e hatutan ida ne'e ba salariu no vensimentu,tanba ne'e tenke ajusta fila fali no sei koordena ho Komisaun Funsaun Publiku, atu haree funsionariu hira mak presiza no kazuais hira mak presiza.

"Ha'u sei haree aseptu adisional ne'e, tanba MPIE propoin millaun $1 resin ba salariu vensimentu, ba bens-servisu $100 mil liu, kapital menor $300 mil, kapital dezenvolvimentu $270 mil.

Aleinde ne'e kapital umanu mos hanesan osan ne'ebé aloka naton ba atu selu bolseiru sira-ne'ebe hala'o hela estudu iha rai li'ur no rai laran.

Entretantu ezekusaun OJE 2025 MPIE nian atinje ona 44%, husi salariu vensimentu, bens servisu no kapital menor.