×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 430

TR Haruka Fila Lista Kandidatu Fatuk Mutin, Ângela no Amorin Featured

By Fevereiru 07, 2017 9711
Angela Freitas ho  Fatuk Mutin Angela Freitas ho Fatuk Mutin

DILI: Tuir lista ne'ebé fó sai husi Sekretariadu Tékniku Administrasaun Eleitorál (STAE), kandidatu Prezidente Repúblika (PR) hamutuk ualu (8) mak rejistu no haruka ona ba Tribunál Rekursu (TR), maibé na’in tolu ona TR haruka fila hodi halo re-verifikasaun.

Diretór Jerál STAE, Acilino Manuel Branco hateten, verifikasaun ba kandidatura sira ne’e kontinua la'o, ne’ebé hahú iha 23 Janeiru to’o Domingu (5/2), lista kandidatura na’in ualu mak aprezenta ona ba Tribunál Rekursu.

Husi kandidatu ualu ne’e, kandidatu lima mak Tribunál simu no komunika ona ninia rezultadu verifikasaun mak hanesan Francisco Guterres ‘Lu-Olo’, José Neves, no António da Conceição. Nune’e, iha kandidatu na’in tolu mak haruka fila.

“Tribunál haruka fila-fali ba iha STAE ba kandidatu tolu hanesan Ângela Freitas, Amorin Vieira ho António Maher ‘Fatuk Mutin’ ho razaun haruka fila fali tanba tanba rezultadu ne'ebé STAE aprezenta identifika iha irregularidade,” dehan Acilino, iha ninia servisu fatin, Kaikoli-Dili, horisehik.

Maski nune’e, nia esplika, tuir lei irregularidade balun tenke notifika kedan iha kandidatu ne’e no sira mós tenke kompleta kedas iha oras 48 nia laran.

Entretantu, kandidatu na’in rua seluk hanesan José Luis Guterres no Luis Alves Tilman sei iha faze verifikasaun hodi haruka ba Tribunál Rekursu.

Ne’e duni, Naran sira ne'ebé tama iha STAE mak José Neves, Amorin Vieira, António Maher ‘Fatuk Mutin’, Ângela Freitas, António da Conceição, Francisco Guterres ‘Lu-Olo’, José Luis Guterres no Luis Alves Tilman.

Prosesu simu kandidatura taka ona iha loron Domingu (5/2), maibé ba prosesu verifikasaun tarde liu mak Segunda (6/2), tanba tuir kalendáriu iha 15 Fevereiru tenke fó sai ona rezultadu desizaun ikus kona-ba prosesu kandidatura sira ne’e hotu, atu iha 16 karik iha rekursu ruma ba prosesa kandidatura para halo ona desizaun atu antes ba halo komunika tribunál halo ona sorteiu lista sekuénsia.

Númeru Sorteiu 16 Fevereiru

Prezidente Tribunál Rekursu, Guilhermino da Silva hateten, aprezentasaun kandidatura loloos remata ona iha loron (5/2), maibé tanba loron Domingu ne’e mak fó toleránsia to’o Segunda (6/2), horisehik.

Iha loron tuir mai hein de'it verifikasaun Tribunál Rekursu simu verifikasaun ne’e servisu internu de'it ona, la simu ema husi li'ur.

Nune’e, Tribunál Rekursu sei fó sai númeru sorteiu ba kandidatu Prezidente Repúblika sira iha loron (16/2) no kontinua ho kampaña eleitorál no eleisaun primeira ronda iha loron 20 Marsu 2017.  

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31