“Sira ne’e halo ona teste ho nia rejultadu mak hatudu konfirmadu positivu COVID-19 na’in hitu (7), na’in neen (6) provavel, no na’in 24 hein rejultadu, enkuantu motorista na’in rua ho ajudante na’in tolu ne’e negativu,”dehan Dr. Sergio, kuarta ohin, iha sala SIJK, CCD Dili.

Bis Maliana rua ne’e Ministériu Saúde maka aluga hodi tula timor-oan sira husi fronteira mai Hotel Katuas iha Dili. Bis ho naran Bintang ho ida seluk naran Becham.

Bis Bintang ne’e tula estudante timor-oan feto husi fronteira hamutuk 18, la iklui motorista ho nia ajudante na’in rua.

Enkuantu bis naran Becham tula estudante timor-oan mane na’in 19, la inklui motorista hamutuk ho nia ajudante na’in ida.

Totál estudante timor-oan husi Indonesia hamutuk 33, motorista husi bis rua ne’e hamutuk na’in rua ho ajudante na’in tolu. Entaun ema ne’ebé iha bis rua ne’e total hamutuk 42.

Hafoin halo teste ba motorista ho ajudante sira hatudu negative, signifika sira livre husi ssurtu coronavirus.