Tanba ema sira ne’ebé positivu ne’e tama iha grupu ida husi Kupang-Indonesia, mai iha fronteira, Batugade-Motain no kontinua mai Dili, iha loron 1 Abril tinan 2020.

Husi kupang, Indonesia ho bis travel no husi Fronteira-Batugade ho bis Maliana. Iha bis Maliana rua mak Ministériu Saúde aluga hodi tula timor-oan ne’ebé husi fronteira mai Dili.

Dr. reafirma katak, bis Maliana ho naran Bintang ne’e tula estudante timor-oan feto husi fronteira hamutuk 18, la iklui motorista ho nia ajudante na’in rua. Enkuantu bis ida seluk ho naran Becham tula estudante timor-oan mane na’in 19, la inklui motorista hamutuk ho nia ajudante na’in ida.

Totál estudante timor-oan husi Indonesia hamutuk 33, motorista husi bis rua ne’e hamutuk na’in rua ho ajudante na’in tolu. Entaun ema ne’ebé iha bis rua ne’e total hamutuk 42.

“Sira mós hela iha fatin ida, sira hela iha kuartu ketak-ketak maibé fatin ida iha Hotel Katuas,”dehan nia.

Maski nunee, eis Ministru Saúde ne’e klarifika katak, SIJK la identifika, total ema ne’ebé mai husi husi Indonesia ne’e hotu-hotu status estudante maibé timor-oan hotu halo tratamentu hanesan.

“Sira ne’e halo ona teste ho nia rejultadu mak hatudu konfirmadu positivu COVID-19 na’in hitu (7), na’in neen (6) provavel, no na’in 24 hein rejultadu, enkuantu motorista na’in rua ho ajudante na’in tolu ne’e negativu,”dehan Dr. Sergio, kuarta ohin, iha sala SIJK, CCD Dili.