Dadus 15 Abril: TL Aumenta Positivu COVID-19 Na’in 8

Dezembru 23, 2024

Nasional

Dadus 15 Abril: TL Aumenta Positivu COVID-19 Na’in 8 ^Featured

By Elsa Belinha Abril 15, 2020 2443

Portavoz SIJK, Dr. Sergio Lobo

DILI: Sala situasaun Sentru Integradu Jestaun Krize (SIJK), fó sai katak ema konfirmadu pozitivu ba Coronavirus (COVID-19), iha Timor-Leste aumenta tan ba ema na’in walu (8).

Portavoz SIJK, Dr. Sergio Lobo esplika katak, kuarta ohin (15/4), tuku 12;00, iha kazu foun positivu na’in rua (2) no dadus tersa horsehik nian (14/4) na’in neen (6), tanba ne’e total rejistradu ba kazu konfirmadu positivu iha Timor-Leste hamutuk na’in walu.

Husi total na’in walu ne’e, na’in ida kuradu, na’in hitu (7) agora iha fatin izolamentu, Sentru Saúde Vera Cruz Dili ho kondisaun stavel.

Totál ema ne’ebé iha kuerentina hamutuk 569, kompostu husi kuerentina iha Dili 456, Munisipiu 113. Suspeitu ne’ebé halo testu hamutuk 210, na’in walu (8) rejultadu konfirmadu positivu COVID-19. Kazu provavel na’in neen (6), na’in 31 hein rejultadu, no 167 mak negativu.

Dr. Sergio dehan, ema na’in walu ne’e husi grupu ida mai husi Kupang-Indonesia ho karreta bis Maliana ne’ebé Ministériu Saúde aluga hodi tula timor-oan husi fronteira.

Tanba ne’e, eis Ministru Saúde ne’e husu ba públiku atu labele paniku, no kontinua hakmatek iha ida-idaik nia fatin tuir regra Estadu Emerjénsia nian.

Tuir dadus Organizasaun Mundial Saúde (OMS) agora dadadun kazu Covid-19 mundial ne’e hamutuk 2.000.243 ema na’in 126.758 maka mate ona.

Nasaun Estadu Unidus Amerika (USA) maka kazu konfirmadu sei aas hamutuk 614.246 iha kazu foun 360. Total ema ne’ebé mate hamutuk 26.064.

Rate this item

(0 votes)