Tuir dokumentu ne’ebé INDEPENDENTE asesu, pesoal PSIK haruka mensajen ba Teves nia oan mane hodi informa kona-ba situasaun husi nia aman ne’ebé daudauk ne’e iha hela prizaun laran.

Iha mensajen ne’ebé pesoal PSIK haruka ba Teves nia oan mane, pesoal PSIK ne’e hatete katak nia foin ba vizita Teves iha prizaun ho objetivu atu haree ninia kondisaun seguransa.

Pesoal ne’e dehan, nia haree katak Teves nia seguransa ne’e garantidu, no husi PSIK sei kontinua ba vizita hodi haree, tan ne’e nia husu Teves nia oan mane atu apoiu osan $2.000 ba nia.

Osan ne’e, pesoal PSIK ne’e dehan, nia sei uza hodi sosa buat ruma ba guarda prizioneiru sira.

Tuir mai mensajen ho lian ingles entre pesoal PSIK ho Teves nia oan mane:

Pesoal PSIK: I just visited your father in prison with the aim of seeing your father’s security conditions (ha’u foin vizita ita-boot nia aman iha prizaun ho objetivu atu haree ninia kondisaun seguransa)

Teves nia oan mane: How is everything? (oinsa ho nia situasaun)

Pesoal PSIK: You father’s safety is guaranteed. Will always go there to check. Can you help us some money (Seguransa ba ita-boot nia aman garantidu. Sei ba nafatin ne’ebá atu haree. Ita-boot bele ajuda osan mai ami)

Teves nia oan mane: Maybe sir, tell me what we can do. Anithing to help my father situation (Karik senhor, koalia mai saida mak ami bele halo. Saida de’it atu ajuda ha’u-nia aman nia situasaun)

Pesoal PSIK: Giver us some money so I can buy something for the prison guards (Fó ami osan atu ha’u bele sosa buat ida ba guarda prizaun)

Teves nia oan mane: What do they need sir? (Sira presiza saida, senhor?)

Pesoal PSIK: Depends on you (Depende ita-boot)

Teves nia oan mane: Depends on what they need sir (Depende saida mak sira presiza, senhor)

Pesoal PSIK: $2.000 if possible ($2.000 se posivel)

Teves nia oan mane: if will try to gather that sir. what they want to buy? (sei koko atu halibur ida ne’e, senhor. Saida mak sira hakarak sosa?)

Hafoin haruka mensajen ne’e, Teves nia oan mane telefone direita ba pesoal PSIK hodi bele hetan esplikasaun di’ak liu tan.

Iha konversasaun refere, pesoal PSIK ne’e esplika katak osan refere atu bele garante seguransa ne’ebé di’ak liu ba Teves.

Pesoal PSIK ne’e hatete, guarda prizioneiru sira la husu maibé se posivel bele fó osan ba sira atu garante seguransa 100% ba Teves.

“Sira la husu ba ha’u atu … maibé ha’u hanoin se posivel ita fó osan ba sira atu sira bele garante seguransa 100% ba ita-boot nia aman,” pesoal PSIK ne’e hahú esplika nia intensaun.

Pesoal ne’e hatutan, iha tempu kotuk nia koalia ho Diretór Nasionál Prizaun no Diretór ne’e orienta nia membru na’in tolu ka haat hodi fó seguransa privadu ba Teve.

Tuir mai, konversasaun ho lian ingles entre pesoal PSIK ho Teves nia oan mane:

Pesoal PSIK: Im just… the guard in there to give very good security to you father. So they don’t ask to me to.. but i thinkg if possible we give money to them for they can give guaranteed one hundred percent security to you father (….. guarda iha ne’ebá atu fó seguransa ne’ebé di’ak ba ita-boot nia aman. Sira la husu ba ha’u atu …. Maibé ha’u hanoin se posivel ita fó osan ba sira atu sira garante seguransa 100% ba ita-boot nia aman)

Pesoal PSIK: Yesterday you see, i am speak to National Director of Prison, so they juts oriented three or four he member to give private security to you father (Horseik ita-boot haree ha’u koalia ba Diretór Nasionál Prizaun nune’e sira haruka nia membru na’in tolu ka haat hodi fó seguransa privadu ba ita-boot nia aman)

Teves nia oan mane: Ok. Who will give sercurity, sir? You guys for PSIK or who will protec him? (Di’ak. See mak fó seguransa senhor? Ita-boot sira husi PSIK ka see mak atu projete nia?)

Pesoal PSIK: we give security outside, but inside guard of prison (Ami fó seguransa iha li’ur, maibé iha laran ne’e guarda prizioneiru)

Teves nia oan mane: ahh… guard of prison will protecd him? (Ahh.. guarda prizioneiru sei asegura nia)

Pesoal PSIK: Yup… yup…

Teves nia oan mane: So, money you asking is for the guarding in prison to secury my father, correct sir? (Ne’ebé osan ne’ebé ita-boot husu ne’e atu fó ba guarda prizaun hodi fó seguransa ba ha’u-nia aman, hanesan ne’e senhor?)

Pesoal PSIK: Yup, correct.. (Sim, loos)

Teves nia oan mane: ok sir.. ok I wil try to find that money and I will inform you when it’s ready (Ahh.. di’ak senhor.. di’ak, ha’u sei koko atu hetan osan ne’e, no se prontu ona ha’u sei informa ba ita-boot)

Pesoal PSIK: Ok..

Teves nia oan mane: Just give me little time (Fó ha’u tempu uitoan)

Pesoal PSIK: Ok.. it’s ok.. (Ok.. la problema)

Teves nia oan mane: Thank you sir… (Obrigadu senhor)

Entretantu, relasiona ho kestaun ne’e, Jornalista INDEPENDENTE koko konfirma ho pesoal PSIK ne’ebé husu osan ba Teves nia oan mane ne’e.

Pesoal PSIK ne’e rekuza katak nia husu osan ba Teves nia oan mane.

“Asuntu ne’e buat ketak ida, maibé sira halo fali buat ne’e sai oin seluk fali ho sira-nia objetivu, maibé lia loos sempre lia loos, Na’i Maromak ne’e boot,” dehan pesoal ne’e liu husi WhatsApp, Domingu (07/04).

Tuir nia, iha PSIK kontinua odiu malu no hatuun malu liu husi informasaun oioin.

“Ha’u prefere ita halo konfirmasaun ho Teves nia familia. Asuntu ne’e sensitivu uitoan par ha’u atu konta ba ita liu husi WA. Maibé realidade ami PSIK nia uma laran mak hanesan ne’e. Uluk surat kaleng, agora ho fali ida ne’e,” dehan nia.

Hatan ba karik ida ne’e signifika katak nia la husu osan seguransa ba fujitivu Teves nia oan mane, pesoal ne’e hatan ho badak katak nia la husu osan.

Entretantu, fujitivu Arnolfo Alipit Teves Jr ka Arnolfo Teves Jr, tama iha territóriu Timor-Leste iha Abríl 2023 ho jet privadu hamutuk ho nia feen no oan-feto.

Iha 21 Marsu 2024, autoridade seguransa Timor-Leste kaptura Teves bainhira halimar hela golf iha area balun iha Dili laran.

Hafoin hetan kapturasaun, autoridade submete ba interogatoriu dahuluk no ikus mai Tribunál deside hodi aplika prizaun preventiva.

Teves nu’udar eis membru Parlamentu Filipina ne’ebé reprezenta provínsia Negru Oriental sai hanesan autór kazu oho ema na’in sia (9) inklui Governadór Negru Oriental, Roel de Gamo.

Iha 26 Jullu 2023 iha Manila-Filipina, Konsellu Anti-Terrorizmu hasai rezolusaun númeru 43 (2023) hodi konsidera Arnolfo A. Teves, Jr ho nia grupu armadu nu’udár grupu terrorista tanba envolve iha kazu omisídiu no abuzu seksuál iha Negros Oriental.

Teves rejista hanesan red notice Organizasaun Internasionál Polísia Kriminál (INTERPOL) iha Fevereiru 2023.