Tuir Diretora Rekursu Humanu Ministériu Edukasaun, Anita Tavares de Jesus hatete, bainhira hare ba rezulta provizório ne'ebé iha, posibilidade Ministériu Edukasaun sei hare fila-fali buka manorin ne'ebé kualidade.
""Sim sei posibilidade maibé, bainhira avizu ona rejultadu ida ne'e uluk ona ita koloka i depois Ministeriu sei iha posibilidade atu haree fali hodi prosesu ne'ebé kualidade," dehan Diretora ba Jornalista IDTV iha nia knar fatin Vila-Verdi, Segunda (08/04).
Diretora esplika, ba kandidatura ne'ebé tuir ona teste no laliu bainhira ME loke fali vaga bele prepara an hodi tuir fali, bainhira ME hasai ona rezultadu finál no ME hasai ona ninia desizaun katak loke vaga sira bele tuir fali, tanba ne’e konkorsu babain, iha ne'ebé de’it ema la liu bele teste fila-fali.
"Banhira ministériu hasai ona rezultadu finál no ministerériu hasai ona desizaun katak loke vaga konserteza bele tuir fali tanba nee konkursu babain, iha ne'ebé de’it ema re-anunsiu ida ne'ebé laliu bele tuir fali, la iha regra ida atu dehan labele ba teste," nia hato'o.
Antes ne’e kandidatu ne’ebé aplika vaga hamutuk na’in-13.021 ne’ebé sei hala’o teste hahú husi loron 15 fulan-Marsu no sei termina iha loron 16 Fulan-Abríl tinan ne’e.