Ministru Transporte Komunikasaun (MTK), Miguel Marques Gonçalves Manetelu hatete, ministeriu submete proposta inisial iha millaun $20 liu , maibé hafoin diskusaun, Ministeriu Finansas (MF) hasai envelope fiskal iha deit millaun $9 ne’ebé kategoria bá salariu vensimentu no bens servisu, trenferensia públika, la inklui kapitál menor no kapitál dezenvolvimentu.
“Ami submete uluk proposta inisial, depois Ministeriu Finansas hasai envelope fiskal, agora buat ne’e ami iha proposta inisial total ne’ebé ami submete iha millaun $20 liu, maibé depois envelope fiskal ne’e kategoria deit bá salariu vensimentu no bens servisu iha millaun $9 deit, ne’e latama kapital menor no kapital dezenvolvimentu,” dehan Ministru iha Salaun MF Aitarak-laran, Kinta (07/08).
Governante ne’e dehan, iha diskusaun ne’e, MTK husu atu mantein proposta millaun $20, tanba iha ajensia lima ne’ebé tutelada iha MTK, mak hanesan, Mnisteriu Tranposte no Komunikasaun, Administrasaun Portu Timor-Leste, Autoridade Aviasaun Sivil Timor-Leste, Autoridade Nasional no Komunikasaun no Teknolojia Informasaun no Komunikasaun .
Maibé ajensia lima ne’e, iha ajensia haat mak hanesan Institutu publiku no empreza públiku ne’ebé ninia orsamentu hamutuk ho MTK tanba iha ona transferensia publika.
“Hotu-hotu akomoda deit la dehan ne’e adisional ka lae, liuliu ba salariu vensimentu tenki ko’alia ho funsaun publika tanba funsaun publika bele halo ezersisiu ruma iha neebá atu hare total ema nain hira, hanesan permanente, kontratadu no osan hira tan, ne’e desizaun sei mai ikus,” Ministru hatoo.
Nune’e, seidauk iha desizaun atu mantein envelope fiskal ne’ebé sira rejista ka manten ho sira nia pedidu millaun $20 ne’e, husi orsamentu ne’e bá deit salariu vensimentu, bens servsiu no transferensia públika.
Tanba tranferensia publika iha millaun $1,8 ne’e atu transfere ba ANATL. EP no iha Kapital menor la sufisiente, tanba transporte sira ne’ebé iha ministeriu, balun sosa desde tinan 2012 ne’ebé kondisaun la diak ona. Tanba ne’e, bainhira orsamentu ne’e aprova, sei sosa fali kareta foun no kareta sira tuan haruka fila-fali ba patrimoniu estadu.
Enkuantu, Ministrus ne’e haktuir, alokasaun ba kapital dezenvolvimentu ne’e ba projetu kiik sira ne’ebé ho montante rihun $800.
Entretantu, orsamentu bá fundus Infrestrutura sei jere husi Ministeriu Planeamentu Investimentu no Estratéjiku (MPIE).
