Ne’e duni, ministru António abertamente husu deskulpa ba Xefe Governu.

Nia esplika, organizasionamente ministériu edukasaun la'ós intensionál, maibé fora husi kontrolu hodi ‘haluha’ konvida xefe governu.

“Nu’udar Membru Governu hanesan mós ministru edukasaun husu deskulpa ba lapsu ida ne’e fora do kontrolu husi ministériu edukasaun rasik”, dehan nia, iha servisu fatin, Vila-Verde, horisehik.

Diretamente, ministru António mós hato’o deskulpa xefe governu, ne'ebé PM Rui dehan ninia prezensa iha konferénsia ne’e kestaun sekundáriu, tanba ne’e la presiza diskute malu kona-ba kestaun ne’e.

Nia dehan, nu’udar membru governu sei hakru'uk nafatin ba Rui Araújo hanesan Xefe Governu.

Konferénsia ne’ebé halo iha 23 Fevereiru liubá, Ministériu Edukasaun konvoka konferénsia ida kona-ba Sistema edukasaun iha territóriu Timor laran tomak, ne’ebé iha momentu ne’e konvida Prezidente Repúblika, maibé Primeiru Ministru rasik la hetan konvite.